Milli Məclisin İqtisadi siyasət, sənaye və sahibkarlıq komitəsinin iclasında 6 məsələ müzakirə olunub
Dekabrın 8-də Milli Məclisin İqtisadi siyasət, sənaye və sahibkarlıq komitəsinin iclası keçirilib.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, komitə sədri Tahir Mirkişili gündəliyə 6 məsələnin daxil edildiyini bildirib. Gündəliyin təsdiqindən sonra komitə sədri “Kəşfiyyat və əks-kəşfiyyat fəaliyyəti haqqında” Qanunda dəyişiklik edilməsi barədə qanun layihəsini müzakirəyə təqdim edib. Bildirib ki, ikinci oxunuşda olan qanun layihəsində DTX tərəfindən istintaqı aparılan cinayət işləri üzrə dövlət büdcəsinə ödənilən vəsaitlərin 5 faizinin bu qurumun əməkdaşlarının sosial müdafiəsinin gücləndirilməsinə sərf edilməsi nəzərdə tutulub.
Layihə baxılmaq üçün Milli Məclisin plenar iclasına tövsiyə olunub.
Birinci oxunuşda təqdim olunan Vergi Məcəlləsində dəyişiklik edilməsi haqqında və “Gömrük tarifi haqqında” Qanunda dəyişikliklər edilməsi haqqında qanun layihələri ilə bağlı bildirilib ki, bu sənədlər işğaldan azad edilmiş ərazilərin minalardan və müharibənin digər partlayıcı qalıqlarından təmizlənməsi çərçivəsində istifadə olunan avadanlıqların idxalının 5 il müddətinə ƏDV-dən və gömrük rüsumlarından azad edilməsi məqsədilə hazırlanıb.
Hər iki qanun layihəsi Milli Məclisin plenar iclasına tövsiyə olunub.
Deputatlar uyğunlaşdırma xarakteri daşıyan “Pasportlar haqqında”, “Dövlət qulluğu haqqında”, “Diplomatik xidmət haqqında” qanunlarda və Vergi Məcəlləsində dəyişiklik edilməsi barədə qanun layihəsini də Milli Məclisin plenar iclasına tövsiyə etdikdən sonra kifayət qədər əhatəli dəyişiklikləri üzündə ehtiva edən iki qanun layihəsinin müzakirəsinə keçiblər.
Komitə sədri bildirib ki, “Büdcə sistemi haqqında” Qanunda dəyişiklik edilməsi barədə və “Dövlət borcu haqqında” Qanunda dəyişiklik edilməsi barədə qanun layihələrinin birinci oxunuşda səmərəli müzakirəsi üçün qonaqlar dəvət olunub.
Qanun layihələri haqqında məlumat verən maliyyə naziri Samir Şərifov dəyişikliklərin bir neçə istiqaməti əhatə etməsindən danışaraq əsas vacib amil kimi büdcə qaydasını vurğulayıb.
Bildirib ki, layihədə 2020-ci ildə pandemiya ilə əlaqədar qanunla icrası 2022-ci ilə qədər dayandırılan büdcə qaydasının tətbiqinin bərpası nəzərdə tutulmaqla büdcə qaydasının yeni təkmilləşdirilmiş variantı təklif olunub.
Bununla əlaqədar “Büdcə sistemi haqqında” Qanunda olan anlayışlara deputatlar, o cümlədən Hesablama Palatası tərəfindən qaldırılan bir sıra məsələlərə də yenidən baxılıb, sənəd yeni redaktədə dəqiqləşdirilib.
“Büdcə sistemi haqqında” Qanunda edilən dəyişikliklərə uyğun olaraq “Dövlət borcu haqqında” Qanuna da dəyişikliklər təklif olunur. Burada, əsasən dövlət borcu və zəmanəti üzrə öhdəliklərin Təminat Fondu ilə bağlı məsələlər öz əksini tapıb.
Maliyyə naziri deputatlara məlumat verib ki, deputatların da tövsiyələrinə uyğun olaraq Büdcə Məcəlləsinin hazırlanması üzərində iş gedir və bu, müəyyən vaxt aparacaq. Hazırda isə Vətən müharibəsində qazanılan Zəfərin yaratdığı reallıqlar və müasir dövrün çağırışları kontekstində, o cümlədən mövcud qanunvericiliyə uyğun təklif olunan bu dəyişikliklərin qəbulu aktualdır.
Maliyyə nazirinin ümumi məlumatından sonra nazirliyin Ortamüddətli xərclər çərçivəsinin hazırlanması Mərkəzi rəhbərinin müavini Rəşad Həsənov sənədlərlə bağlı ətraflı təqdimatla çıxış edib. Rəşad Həsənov büdcə qaydasının beynəlxalq təcrübədə və Azərbaycanda tətbiqini detallı təhlil edərək müzakirəyə təqdim edilmiş təkmilləşdirilmiş büdcə qaydasının əsas parametrləri, hədəfləri, üstünlükləri barədə danışıb. O, ortamüddətli dövr üzrə icmal büdcənin qeyri-neft baza kəsirinin qeyri-neft ÜDM-ə və dövlət borcunun ÜDM-ə nisbət göstəriciləri, ortamüddətli dövr üzrə hədəflənən yuxarı hədləri, həmçinin təklif olunan qanun dəyişikliklərinin qəbulundan sonra atılacaq növbəti addımlar haqqında məlumat verib.
İqtisadiyyat nazirinin müavini Sevinc Həsənova çıxışında dəyişiklikdə nəzərdə tutulan dövlət büdcəsinin layihəsi ilə birlikdə təqdim olunan sənədlərin dairəsinin dəqiqləşdirilməsi haqqında danışıb, dövlət investisiya proqramının layihələr üzrə bölgüsünün aparılması və icrası prosesi barədə məlumat verib.
Qanun layihələri ilə bağlı komitənin sədri Tahir Mirkişili, komitə sədrinin müavini Əli Məsimli, komitə üzvləri Vahid Əhmədov, Ziyad Səmədzadə, Vüqar Bayramov, Aydın Hüseynov, Hesablama Palatasının sədri Vüqar Gülməmmədov çıxış ediblər. Çıxış edənlər Büdcə Məcəlləsinin qəbulunun vacibliyini vurğulayıblar, müzakirə edilən sənədlərlə bağlı Hesablama Palatasının rəyi haqqında hökumətin mövqeyi ilə, dövlət borcunun idarə edilməsi istiqamətində atılacaq addımlarla maraqlanıblar, sənədlərlə bağlı fikirlərini açıqlayıblar.
Maliyyə naziri Samir Şərifov və iqtisadiyyat nazirinin müavini Sevinc Həsənova qaldırılan məsələlərə aydınlıq gətiriblər və səslənən sualları cavablandırıblar.
Müzakirələrin sonunda “Büdcə sistemi haqqında” və “Dövlət borcu haqqında” qanunlarda dəyişiklik edilməsi barədə qanun layihələri də birinci oxunuşda baxılmaq üçün Milli Məclisin plenar iclasına tövsiyə olunub.
İclasda deputatlar Mahir Abbaszadə, Elnur Allahverdiyev, Məzahir Əfəndiyev, Rüfət Quliyev, Anar Məmmədov, İqbal Məmmədov, Məşhur Məmmədov, Ağalar Vəliyev və digər rəsmi şəxslər iştirak ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!