29 Sentyabr 2022 23:06
667
PARLAMENT
A- A+

Milli Məclisdə "Diplomatiyada parlamentin rolu" mövzusunda müzakirələr aparılıb

 

Sentyabrın 29-da Milli Məclisdə deputatlar Səməd Seyidov, Qənirə Paşayeva, Sevinc Fətəliyeva və Asim Mollazadə ilə UNESCO-nun Afrikanın müxtəlif ölkələrindən olan məsul şəxsləri arasında görüş keçirilib.

Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, “Diplomatiyada parlamentin rolu” mövzusuna həsr olunan görüş ADA Universiteti və Azərbaycanın UNESCO üzrə Milli Komissiyası ilə əməkdaşlıq çərçivəsində təşkil edilib.

Tədbiri açan Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov qonaqları salamlayaraq, Azərbaycan parlamenti, siyasi partiyaların, qadınların, millətlərin parlamentdə təmsilçiliyi barədə məlumat verib.

Parlament diplomatiyasının müasir beynəlxalq münasibətlər sistemində əhəmiyyətini qeyd edən Səməd Seyidov Azərbaycanın qlobal miqyasda parlamentlərarası əməkdaşlığa böyük əhəmiyyət verdiyini vurğulayıb. O, Qoşulmama Hərəkatının sədri olan Azərbaycanın təşəbbüsü ilə təşkilatın Parlament Şəbəkəsinin təsis edilməsindən və Parlament Şəbəkəsinin Bakıda keçirilən ilk konfransından söz açıb. Komitə sədri Qoşulmama Hərəkatının Parlament Şəbəkəsinin beynəlxalq sülhün və təhlükəsizliyin möhkəmləndirilməsi, beynəlxalq diplomatiyada parlamentlərin rolunun artırılması istiqamətində əhəmiyyətindən danışıb.

Səməd Seyidov, həmçinin Azərbaycanın 44 günlük Vətən müharibəsində torpaqlarını azad etməsindən danışaraq, Ermənistanın 30 illik işğalının acı nəticələrinin aradan qaldırılması, regionda sülhün və iqtisadi əməkdaşlığın möhkəmləndirilməsi istiqamətində ölkəmizin gördüyü işlər barədə qonaqlara ətraflı məlumat verib.

Görüşdə Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva və komitə üzvü Asim Mollazadə də çıxış ediblər. Deputatlar Azərbaycanın mədəni, dini və etnik müxtəlifliyi əsrlərdir qoruyub saxlamasından, onun tolerantlıq ənənələrindən danışıblar. Bildirilib ki, Şərqdə ilk parlament, ilk demokratik, hüquqi və dünyəvi dövlət məhz Azərbaycanda elan edilib, qadınlara seçmək və seçilmək hüququ verilib. Qonaqlara Milli Məclisin beynəlxalq təşkilatlarda iştirakı, parlamentdə fəaliyyət göstərən dostluq qrupları barədə məlumat verilib.

Sonra Səməd Seyidov, Asim Mollazadə və Sevinc Fətəliyeva beynəlxalq əməkdaşlıq, diplomatiyada parlamentlərin rolu və parlament diplomatiyasının imkanları kimi mövzularda qonaqların suallarını cavablandırıblar. Deputatlar diplomatiyanın müasir tendensiyaları, diplomatiyada parlamentin rolu, Azərbaycanın Afrika ölkələri ilə UNESCO çərçivəsində münasibətlərinin daha da inkişaf etdirilməsi ilə bağlı fikirlərini bölüşüblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video