28 May 2022 22:39
703
SİYASƏT
A- A+

Maksim Şevçenko: Mənim nəzərimdə Azərbaycan mədəniyyətin, beynəlxalq hüququn və ədalətin dayağı olub, bu gün də belədir, sabah da belə olacaq

Mənim nəzərimdə Azərbaycan mədəniyyətin, beynəlxalq hüququn və ədalətin dayağı olub, bu gün də belədir, sabah da belə olacaq.

AZƏRTAC xəbər verir ki, rusiyalı politoloq, jurnalist, televiziya aparıcısı və ictimai xadim Maksim Şevçenko bu fikri jurnalistlərlə söhbətində səsləndirib. O, Azərbaycan xalqını Müstəqillik Günü münasibətilə təbrik edib.

M.Şevçenko Azərbaycan və Ermənistan arasında sülhün perspektivləri məsələsinə də toxunub. O, əmin olduğunu bildirib ki, Ermənistan cəmiyyətində insanların böyük əksəriyyəti müharibə istəmir, Türkiyə və Azərbaycanla Ermənistan arasında sülhün bərpa olunmasını arzu edirlər. Politoloq deyib: "Biz görürük ki, Azərbaycan və Türkiyə ilə sülh şəraitində yaşamaq istəyi Rusiya, ABŞ və Fransadakı erməni diasporlarının mövqeyini deyil, məhz erməni xalqının iradəsini ifadə edir. Ermənistan xalqı müharibə istəmir. Mən bilirəm ki, Ermənistanda yaşayan ermənilərin çoxu sülh istəyir, onlar erməni mənşəli Moskva, Fransa və Qarabağ oliqarxlarının maraqları yolunda ölməyi əsla istəmirlər”.

Maksim Şevçenkonun fikrincə, Ermənistan-Azərbaycan sərhədinin delimitasiyası — Cənubi Qafqazda sülhün bərqərar olması üçün zəruri şərtdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video