Macarıstanın dövlət qurumlarının və özəl sektorunun nümayəndələrinə Ələt Azad İqtisadi Zonasının imkanları barədə məlumat verilib
Ələt Azad İqtisadi Zonasının səlahiyyətli qurumunun idarə heyətinin sədri Valeh Ələsgərov və sədr müavini İsmayıl Manafov Macarıstanda işçi səfərdə olublar.
AZƏRTAC xəbər verir ki, Macarıstanın Ticarət və Sənaye Palatasının Mərkəzi Asiya Komitəsinin sədri Andraş Baçi-Nad ilə keçirilmiş görüşdə Ələt Azad İqtisadi Zonası ilə bağlı video nümayiş etdirilib, qısa təqdimat edilib, zonanın mütərəqqi qanunvericilik bazası və investisiya imkanları barədə ətraflı məlumat verilib. Görüşdə macar şirkətlərinin Ələt Azad İqtisadi Zonasına cəlb olunması istiqamətində əməkdaşlıqla bağlı razılıq əldə edilib. Bu xüsusda, 2022-ci il fevralın 2-3-də keçiriləcək Azərbaycan-Macarıstan hökumətlərarası iqtisadi əməkdaşlıq üzrə Birgə Komissiyanın iclası çərçivəsində macar şirkətlərinin Ələt Azad İqtisadi Zonasına səfərinin təşkil edilməsi barədə fikir mübadiləsi aparılıb.
Daha sonra Azərbaycanın Macarıstandakı səfirliyində Macarıstanın İxracın Təşviqi Agentliyinin (HEPA) Baş icraçı direktoru Kriştof Sabo ilə görüş olub və tərəflər arasında Anlaşma Memorandumunun imzalanması mərasimi keçirilib. Ələt Azad İqtisadi Zonası ilə HEPA arasında imzalanmış sənəd iki ölkənin biznes dairələri arasında əməkdaşlığın qurulması və inkişaf etdirilməsini nəzərdə tutur. Görüşdə yaxın gələcəkdə macar şirkətləri üçün onlayn tədbirin keçirilməsi, həmçinin onların Ələt Azad İqtisadi Zonasında yaradılmış şəraitlə yerində tanış olması imkanları müzakirə edilib.
Macarıstanın İşəgötürənlər və Sənayeçilər Konfederasiyasının İdarə Heyətinin üzvü, Xarici Ticarət Assosiasiyasının prezidenti Mikloş Horvatla keçirilmiş görüşdə Ələt Azad İqtisadi Zonasında aparılan tikinti işləri, sərmayəçilər üçün yaradılacaq şərait və imkanlar barədə ətraflı fikir mübadiləsi aparılıb. M.Horvat təqdim olunmuş məlumatların rəhbərlik etdiyi quruma üzv olan şirkətlər arasında paylaşılacağını qeyd edib.
Ələt Azad İqtisadi Zonasının nümayəndə heyəti ilə Xarici İşlər və Ticarət İnstitutunun direktoru Marton Uqroşdi arasında da görüş keçirilib. M.Uqroşdi rəhbərlik etdiyi institut tərəfindən Ələt Azad İqtisadi Zonasının fəaliyyətinə dair elektron resursların hazırlanaraq yayılması istiqamətində əməkdaşlıq etməyə hazır olduqlarını bildirib.
Daha sonra Ələt Azad İqtisadi Zonasının Səlahiyyətli qurumunun idarə heyətinin sədri və sədr müavini Türk Dövlətləri Təşkilatının Budapeşt şəhərindəki Nümayəndəlik Ofisinin rəhbəri Yanoş Hovari ilə görüşdə iştirak ediblər. Y.Hovariyə Ələt Azad İqtisadi Zonası barədə məlumat verilib və türk dünyasının biznes dairələri arasında zonanın fəaliyyətinin təbliği imkanları müzakirə edilib.
Macarıstanın Xarici İşlər və Ticarət Nazirliyinin Xarici iqtisadi əlaqələr üzrə Dövlət katibinin müavini İştvan Yo ilə keçirilən görüşdə qarşı tərəf Ələt Azad İqtisadi Zonasının fəaliyyətini böyük maraqla qarşılayıb və macar şirkətlərinin zonaya sərmayə qoyacaqlarına ümidini ifadə edib. İ.Yo gələn ay Azərbaycan-Macarıstan hökumətlərarası iqtisadi əməkdaşlıq üzrə Birgə Komissiyanın iclasında iştirak etmək məqsədilə Bakıya səfər edəcəyini diqqətə çatdırıb, Macarıstanın xarici işlər və ticarət naziri Peter Siyyartonu çoxsaylı macar şirkətlərinin nümayəndələrinin müşayiət edəcəyini bildirib və B2B görüşlərin keçirilməsi təklifini irəli sürüb.
PriceWaterhouseCoopers (PwC) şirkətinin Macarıstandakı ofisində keçirilən görüşdə qurumun nümayəndələri macar şirkətləri ilə Ələt Azad İqtisadi Zonasına sərmayə qoyulması ilə bağlı danışıqların aparıldığını bildirib və tezliklə bu sahədə nəzərə çarpan nəticələrin əldə olunacağına inamlarını ifadə ediblər.
Beləliklə, Ələt Azad İqtisadi Zonasının Səlahiyyətli qurumunun idarə heyətinin sədri Valeh Ələsgərov və sədr müavini İsmayıl Manafovun Macarıstana işçi səfəri çərçivəsində bu ölkənin dövlət qurumları və özəl sektor nümayəndələri tərəfindən Ələt Azad İqtisadi Zonasının fəaliyyəti böyük maraqla qarşılanıb və əməkdaşlıq əlaqələrinin qurulması istiqamətində mühüm addımlar atılıb.
Görüşlərdə Azərbaycan Respublikasının Macarıstandakı səfiri Tahir Tağızadə və səfirliyin əməkdaşları iştirak ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!