02 Oktyabr 2022 21:49
359
CƏMİYYƏT
A- A+

İsrail Təhlükəsizlik Akademiyası: Azərbaycan dünyanın ən nümunəvi tolerant və multikultural ölkəsidir  

 

 

Azərbaycanda bütün millətlər və dinlər bir-birinə qardaşdır. Burada hər kəs bir-birinə doğmadır. Dünyada Azərbaycan kimi ikinci belə ölkə yoxdur.

AZƏRTAC xəbər verir ki, bu fikirlər İsrail Təhlükəsizlik Akademiyasının Azərbaycan Respublikasındakı Nümayəndəliyinin yaydığı məlumatda yer alıb.

Qeyd olunub ki, müasir müstəqil Azərbaycan Respublikasının qurucusu, dahi şəxsiyyət, dünya siyasətinin fenomeni olan Heydər Əliyev üçün dövlət siyasətində tolerantlıq, multikultural mədəniyyət və dəyərlər ən başlıca məsələ olub. Beləliklə, Azərbaycanda yaşayan bütün millətlər və etnik xalqlar arasında əbədi qardaşlıq bərqərar oldu‚ ölkə ərazisindəki bütün səmavi dinlər, müsəlmanlar və qeyri-müsəlmanlar azad və müstəqil, rahat yaşamağa başladılar.

Bütün dinlərə və inanclara Azərbaycan dövləti hər zaman son dərəcə dərin hörmət və ehtiramla yanaşır. Bu səbəbdəndir ki, tolerantlıq və multikulturalizm Azərbaycan dövlətinin təməlində dayanmış məsələdir. Həmçinin müsəlman ölkəsi olaraq İslam dininin bütün demokratik və tolerantlıq dəyərlərini qorumaqda və inkişaf etdirməkdə, habelə bütün dünyada tolerant‚ multikultural dəyərlərə malik olan, ən humanist müsəlman ölkəsi olaraq özünəməxsus yer tutub. Azərbaycan xalqının ümummilli lideri‚ dahi şəxsiyyət Heydər Əliyev müasir müstəqil Azərbaycanın dövlət quruculuğunda bütün bu meyarları qoruyub və bütün bunlar Heydər Əliyev siyasi kursunun ana xəttini‚ lokomotivini təşkil edib. Görünən odur ki‚ bir sözlə, Azərbaycan dövləti bu humanist‚ ali dəyərlər və insani keyfiyyətlər üzərində qurulub.

Bu gün bu ali dəyərlər‚ multikultural yanaşma‚ tolerantlıq siyasəti Azərbaycan Respublikasının Prezidenti İlham Əliyev tərəfindən qorunmaqda‚ daha da inkişaf etdirilməkdə və ən yüksək zirvəyə qaldırılmaqdadır. Burada ta qədimdən indiyə kimi‚ yəhudilər yaşadığı 3 min illik tarixi əhatə edən böyük bir zaman ərzində heç vaxt antisemitizm olmayıb. Antisemitizmin əksinə olaraq Azərbaycan xalqı ilə yəhudilər qaynayıb-qarışmış‚ qohumlaşmış və qardaşlaşmışlar. Hazırda Azərbaycan dövləti dünyanın ən nümunəvi ölkələri sırasında ön cərgədədir. Azərbaycanı dünyanın ən nümunəvi və tolerant ölkəsi adlandırmaq daha doğru olardı. Azərbaycan dövləti dünyada müsəlman ölkəsi olaraq bir nümunədir. Burada yəhudilər‚ müsəlmanlar və xristianlar qardaş kimi yaşayır. Bu‚ son dərəcə alqışa və təqdirəlayiq haldır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video