01 Iyul 2022 23:18
376
PARLAMENT

İranın İslam Şurası Məclisi sədrinin müavini Milli Məclisdə olub

 

İyulun 1-də Milli Məclisin sədr müavini, İctimai birliklər və dini qurumlar komitəsinin sədri Fəzail İbrahimli Qoşulmama Hərəkatı Parlament Şəbəkəsinin Bakı konfransında iştirak etmək üçün ölkəmizdə səfərdə olan İranın İslam Şurası Məclisi sədrinin müavini Abdolreza Mesrinin başçılıq etdiyi nümayəndə heyəti ilə görüşüb.

AZƏRTAC xəbər verir ki, qonağı salamlayan Fəzail İbrahimli bu cür görüşlərin münasibətlərin inkişafına müsbət təsir etdiyini söyləyib. O bildirib ki, İran İslam Respublikası Azərbaycanın müstəqilliyini tanıyan ilk ölkələrdən olub.

Dövlət başçılarımız arasında səmimi dostluq münasibətlərinin olduğunu deyən Fəzail İbrahimli xalqlarımızın bir-biri ilə mehriban qonşuluq əlaqələrini xüsusi qeyd edib.

Fəzail İbrahimli müstəqillik əldə etdikdən sonra üzləşdiyimiz çətinliklər, torpaqlarımızın Ermənistan tərəfindən işğalı barədə söz açıb. O, həmçinin 44 günlük Vətən müharibəsində əldə etdiyimiz Qələbə haqqında danışıb. Azərbaycan dövlətinin bu Qələbəyə gətirib çıxaran fəaliyyətinə toxunan Milli Məclis sədrinin müavini Ali Baş Komandan İlham Əliyevin qətiyyəti, Ordunun şücaəti, xalqın birliyi sayəsində öz gücümüzə ərazi bütövlüyümüzün bərpa edildiyini vurğulayıb. Fəzail İbrahimli Azərbaycanı bu haqq işində İslam aləminin, o cümlədən İran İslam Respublikasının dəstəkləməsini xüsusi qeyd edib və buna görə təşəkkürünü bildirib.

İranın İslam Şurası Məclisi sədrinin müavini Abdolreza Mesri ölkəsinin Azərbaycanla sıx dostluq əlaqələrindən söz açıb. Bildirib ki, İran Azərbaycanın əldə etdiyi uğurlara səmimi qəlbdən sevinir.

Qonaq ölkəmizdə keçirilən Qoşulmama Hərəkatı Parlament Şəbəkəsinin Bakı konfransının yüksək səviyyədə təşkilinə görə təbriklərini çatdırıb. Abdolreza Mesri, həmçinin ölkəsinin keçdiyi inkişaf yolundan, əldə etdiyi uğurlardan söhbət açıb. Eyni zamanda, bildirib ki, Azərbaycan uzun illər münaqişə şəraitində yaşamasına baxmayaraq, yüksək inkişaf, irəliləyiş əldə edib.

Görüşdə Milli Məclisin deputatları Eldar İbrahimov, Cavanşir Paşazadə, Fazil Mustafa və digər rəsmi şəxslər iştirak ediblər.

Söhbət zamanı tərəfləri maraqlandıran digər mövzular barədə də fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video