09 Avqust 2022 08:49
393
DÜNYA

İnsanlarda zaman duyma hissi dəyişib

 

Alimlər insanların zaman duyğusunun yavaşladığını və bunun COVID-19 pandemiyası ilə bağlı olduğunu hesab edirlər.

Braziliyalı alimlərinin araşdırması göstərir ki, COVID-19 pandemiyası insanların zamanın gedişinin duyma tərzini dəyişib. Tədqiqat iştirakçılarının əksəriyyəti bildirib ki, zaman daha yavaş hərəkət etməyə başlayıb, alimlər də bunu "zamanın genişlənməsi" hissi adlandırıblar. “SciTechDaily” yazır ki, insanın demək olar ki, heç bir işi çatdıra bilmədiyi halda "zamanın təzyiqi" kimi bir anlayış praktiki olaraq yox olub.

Braziliyanın San-Paulu ştatındakı ABC Federal Universitetinin alimləri COVID-19 pandemiyasının pik vaxtında 5 ay ərzində onlayn sorğular vasitəsilə apardıqları tədqiqatın nəticələrini dərc ediblər.

AZƏRTAC xarici KİV-lərə istinadla xəbər verir ki, ilkin olaraq 4 minə yaxın insan tədqiqatda iştirak etmək qərarına gəlsə də, tədqiqatın sonuna qədər alimlərin bütün suallarını yalnız 900 respondent cavablandırıb, onların da 75 faizi qadın olub.

“Nəticələr göstərib ki, özünü depressiyada və tənha hiss edən insanlar vaxtın əvvəlkindən daha yavaş keçdiyini hesab edirdilər. Lakin onlar çox stressli vəziyyətlərdə olanda vaxt onlar üçün daha sürətlə uçurdu”, - deyə ABC Federal Universitetindən Andre Kravo qeyd edib.

Məlumatlar göstərib ki, respondentlərin 65 faizi üçün vaxt daha yavaş keçməyə başlayıb, 75 faizi isə artıq vaxt çatışmazlığı hissinin olmadığını bildirib. Alimlər hesab edirlər ki, həyat ritminin özünün dəyişdiyi üçün pandemiya insanların zaman duyma hissinə təsir edib. Araşdırmanın nəticələri göstərib ki, gənclərdə zaman duyma hissi daha çox yavaşlayıb.

"Pandemiyanın iştirakçıların ümumilikdə zamana dair təsəvvürünü dəyişdiyinə baxmayaraq, o, onların qısa zaman müddətlərinin davamlılığını hiss etmək qabiliyyətinə təsir etməyib", - deyə Kravo vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video