Əsl RƏHBƏR, qüdrətli SƏRKƏRDƏ
Dünyada elə şəxsiyyətlər var ki, onlar haqqında yazmaq, əslində, mənsub olduqları xalqın, rəhbərlik etdikləri dövlətin müəyyən dövründən, uğur, qələbə və sınaqlarından bəhs etmək deməkdir.
Azərbaycan xalqı xoşbəxt xalqdır ki, onun tarixində də belə şəxsiyyətlər var!
Onlardan biri də müstəqil Azərbaycanın Prezidenti, Müzəffər Ali Baş Komandan İlham Əliyevdir!
Cənab İlham Əliyev on doqquz ildir ki, Azərbaycana rəhbərlik edir.
Dördüncü dəfə xalqın etimadı və etibarı ilə prezident seçilməsinin 4 ili tamam olur.
Zaman baxımından o qədər də çox deyil!
Görülən işlərin miqyası və möhtəşəmliyi sarıdan isə misilsizdir!
İlham Əliyevin rəhbərliyi ilə Azərbaycan xalqının və dövlətinin qazandığı nailiyyətlər və qələbələr barədə danışsaq, cild-cild kitablara sığmaz!
Qısaca söhbət açsaq isə, yalnız görülən işləri xatırlada bilərik.
Beləliklə, Azərbaycan Prezidenti, xalqın pənahı və sevimlisi cənab İlham Əliyev hansı nailiyyətlərə imza atıb.
***
Bir maraqlı məqama diqqət çəkmək istəyirik:
Cənab İlham Əliyev respublika əhəmiyyətli vəzifələrə təyin olunanda və ya seçiləndə belə daim xarizması, intellekti, yaradıcı fəaliyyəti, təşkilatçılıq məharəti və istedadı sayəsində gördüyü işlərin nəticələrini dünya miqyasına çıxarmağa, çoxlarının bəhrələnməsinə nail olub!
İlk dəfə biz İlham Əliyevi ARDNŞ-in (SOCAR-ın) birinci vitse-prezidenti vəzifəsində gördük.
O ZAMAN:
* Ərazilərimizin 20 faizi düşmən işğalında idi...
* Sabitlik və əmin-amanlıq tam bərpa olunmamışdı, hələ iki dövlət çevrilişinə cəhd baş verəcəkdi...
* Dövlət büdcəsi yoxsul, qaçqınlar və məcburi köçkünlər ağır durumda qalmışdı...
* Yeni ordu qurmaq, onu silahlandırmaq, bazar iqtisadiyyatı prinsiplərini tam bərqərar etmək vacib vəzifə kimi qarşıda dururdu...
* AXC-Müsavat cütlüyünün uğursuz iqtidarı ölkədə xaos və anarxiya yaratmış, onların naşılığı və səriştəsizliyi, maddi maraqlarını üstün tutmaları neft danışıqlarını yarıda qoyaraq dalana dirəmişdi...
Belə ağır məqamda Ulu Öndər Heydər Əliyev danışıqların bütün məsuliyyətini və yükünü cənab İlham Əliyevə həvalə etdi.
Beləliklə, gərgin və mürəkkəb keçən neft danışıqları prosesində Azərbaycan xalqının maraqlarını əks etdirən müqavilə layihəsi hazırlandı.
Sonralar "Əsrin müqaviləsi" adlanan bu neft kontraktı hələ də qüvvədədir, Azərbaycana və Avropaya, həm də dünyaya böyük fayda gətirməkdə davam edir.
***
Cənab İlham Əliyevin Azərbaycan Milli Olimpiya Komitəsinin prezidenti seçilməsi təkcə ölkəmizdə deyil, bütün dünyada idmanın inkişafına yeni təkan verdi.
Azərbaycanda yaranmış ümummilli böhran idmandan da yan keçməmişdi!
Sovet dövründə tikilmiş idman qurğuları və sarayları baxımsızlıq üzündən dağılmış, respublika stadionu, velotrek "tolkuçka"ya çevrilmişdi...
Daha ölkə daxilində idman yarışları keçirilmir, vəsaitsizlik üzündən beynəlxalq yarışlara idmançılar göndərilmirdi...
"İşsiz" qalan idmançılar və məşqçilər xarici ölkələrə gedərək özgə bayraqları altında çıxış edirdilər...
Hər şeyə təzədən başlamaq lazım gəlirdi...
İlham Əliyevin Azərbaycan idmanına rəhbərlik etdiyi müddətdə idmanımız dünya miqyasına çıxdı, ön sırada özünə yer tutdu, yüzlərlə gənc olimpiya, dünya, Avropa çempionu olaraq bayrağımızı yüksəltdi, himnimizi səsləndirdi.
Ölkə daxilində qırxdan artıq olimpiya idman kompleksi tikildi, Azərbaycan I Avropa Oyunlarının və IV İslam Həmrəyliyi Oyunlarının təşkilatçısı oldu, beynəlxalq idman yarışlarının uğurla keçirildiyi məkana çevrildi.
***
Milli Məclisin AŞ PA-dakı nümayəndə heyətinə rəhbərliyi cənab İlham Əliyevin beynəlxalq aləmdə qazandığı sonrakı uğurlarının ilki oldu.
İlham Əliyev beynəlxalq təşkilatlarda Azərbaycanın maraqlarını necə qorumağın, haqq işini müdafiə etməyin, özünə yeni dostlar qazanmağın, bədxahların isə ağzından vurmağın əsl nümunəsini yaratdı!
Məhz bundan sonrakı dövrlərdə Azərbaycan beynəlxalq qurum və təşkilatlarda fəal iş apararaq yeni nailiyyətlər qazandı, bölgədə və dünyada söz sahibinə çevrildi.
Hücum diplomatiyasına start verildi.
***
2003-cü ilin oktyabrında cənab İlham Əliyev Ulu Öndərimizin zəmanəti, habelə xalqımızın Heydər Əliyev siyasi kursuna sarsılmaz inamı və sədaqəti ilə ilk dəfə Azərbaycan Prezidenti seçildi!
Qısa zaman kəsiyində inam və etimadı doğrultdu, sınaqlarla dolu rəhbərliyi dövründə xalqın sonsuz məhəbbətini və etibarını qazandı.
Ölkəyə rəhbərliyinin hər ilində yeni uğurlar qazandı, cari və perspektiv problemlərin həlli ilə yanaşı, nisbətən uzaq hədəflərə çatmaq üçün təməllər yaratmağı, imkanları səfərbərliyə almağı bacardı.
Qeyd edək ki, İlham Əliyevin prezidentliyinin ilk dövründə görüləsi işlər və problemlər kifayət qədər çox idi.
MƏSƏLƏN:
* bölgələrə elektrik enerjisi fasilələrlə verilirdi;
* regionlara qaz xətti çəkilmədiyindən böyük çətinliklər yaşanırdı;
* şəhərlərarası magistral yollar darısqal, dağılmış və bərbad vəziyyətdə idi;
* sahibkarlıq formalaşmamışdı, işsizlik baş alıb gedir, kəndlər boşalırdı;
* qaçqın və məcburi köçkünlər çadır şəhərciklərində, ictimai binalarda ağır vəziyyətdə yaşayırdı;
* sürətlə ordu qurmaq, onu silahlandırmaq tələb olunurdu;
* transmilli layihələri maliyyələşdirməkdə ciddi çətinliklər mövcud idi;
* Ermənistan sülh danışıqlarına gəlmir, ATƏT öz vəzifəsini icra etmir, BMT Təhlükəsizlik Şurasının 4 qətnaməsi həyata keçirilmirdi və s.
Qurucu rəhbər adını qazanan cənab İlham Əliyev prezidentliyi dövründə yuxarıda sadalanan bütün problemləri çox böyük uğurla həll etdi, ölkə daxilində, xarici siyasətdə, ordu quruculuğunda möhtəşəm nailiyyətlər qazandı.
Azərbaycan xalqı öz sınanmış oğluna, görkəmli dövlət xadiminə dəfələrlə yüksək etimad göstərdi, dövlət sükanını böyük əminliklə ona etibar etdi.
Bu gün dünya müstəqil Azərbaycanı büsbütün dəyişmiş, yenidən tikilib qurulmuş, güclü iqtisadiyyatı, müstəqil daxili və xarici siyasəti, demokratik təsisatları, müasir beynəlxalq imici, qudrətli ordusu, milli birliyi və tolerantlığı olan ölkə kimi tanıyır!
Hətta bəzən ona "İlham Əliyevin Azərbaycanı" da deyirlər!
***
Sonuncu prezident seçkilərindən 4 il keçir!
Prezident İlham Əliyev bu müddətdə də Azərbaycanı inkişaf etdirmiş, ölkə qarşısında duran ciddi problemləri müvəffəqiyyətlə yoluna qoymuş, dövlətin möhkəmlənməsi, xalqın rifahının yüksəlməsi, insanların arzu və istəklərinin həyata keçirilməsi yolunda əsaslı dəyişikliklərə nail olmuş, apardığı islahatları daha da dərinləşdirmişdir.
Axırıncı 4 ildə baş verən mühüm hadisələrdən ikisi haqqında ayrıca danışmağa ehtiyac duyulur.
Bunlardan biri COVID-19 adını almış, dünyanın yaşam tərzini, insanların həyatını dəyişmiş pandemiyadır!
Heç kim təsəvvür belə etməzdi ki, XXI əsrdə qəflətən meydana çıxan hansısa yoluxucu xəstəlik pandemiyaya çevriləcək, qısa müddətdə dünyanı caynağına alacaq, milyonlarla insanın ölümünə səbəb olacaq, dünyanı özünə qapadacaq, iqtisadiyyata böyük zərbə vuracaq, tibb elmini aciz durumda qoyacaqdır!
Amma bütün bunlar baş verdi!
Həm də ildırım sürəti ilə!
Çoxları başını itirdi...
Bir çox dövlətlər bu bəlanın öhdəsindən gələ bilmədiklərinə, vaxtında zəruri addımlar atmadıqlarına görə pandemiyaya çevrilmiş COVID-19-un əlində girov qaldılar, ciddi iqtisadi və insan tələfatı verərək çətin və çıxılmaz vəziyyətə düşdülər!
İlham Əliyevin uzaqgörənliyi və xarizması, hadisələri qabaqlamaq bacarığı və zamanında düzgün qərarlar qəbul etmək məharəti bu məqamda da kara gəldi!
Pandemiyanın genişlənməsinin, vüsətlənməsinin qarşısına sipər çəkildi, ağırlaşmaların hər dövründə öncədən qabaqlama işləri aparıldı, insanlar və iqtisadiyyat ağır nəticələrdən, sonrakı fəsadlardan uğurla qorundu!
Dövlət rəhbəri xalqa müraciət etdi, vəziyyətin ciddiliyini və çətinliyini insanlara anlatdı, hamını əlbir, əlaqəli və mütəşəkkil fəaliyyətə səslədi, Azərbaycan səhiyyəsini qısa müddətdə ekstremal vəziyyətə köklədi.
Prezident İlham Əliyevin pandemiyanın qarşısını almaq, xalqı bu bəladan sovuşdurmaq üçün gördüyü işlərin sayı-hesabı yoxdur!
İnfeksiyanın aşkarlandığı ilk gündən təxirəsalınmaz addımlar atıldı:
* Dövlət başçısının sərəncamı ilə Nazirlər Kabineti yanında Operativ Qərargah fəaliyyətə başladı;
* Xəstəliyin yayılmasının qarşısının alınmasına dair "Fəaliyyət Planı" və "Tədbirlər Planı" təsdiq edildi;
* 19 mart 2020-ci ildə dünyada ilk olaraq Azərbaycanda Koronavirusla Mübarizəyə Dəstək Fondu təsis edildi və Prezidentin Ehtiyat Fondundan oraya 20 milyon manat vəsait köçürüldü;
* Dövlət başçısının tapşırığı əsasında qısa zamanda səhiyyə infrastrukturu koronavirusla mübarizəyə istiqamətləndirildi, yoluxmuş xəstələrin müalicəsi üçün 46 xəstəxana müəyyən edildi, 11 modul tipli yeni xəstəxana istifadəyə verildi;
* Bu bəlaya qarşı mübarizə məqsədilə dövlət büdcəsindən 4 milyard manat vəsait ayrıldı;
* Koronavirusla mübarizə çərçivəsində məşğulluq və sosial rifahın dəstəklənməsinə 610 mln. manat, səhiyyə məqsədlərinə 754,2 mln. manat, iqtisadi artım və sahibkarlıq fəaliyyətinin dəstəklənməsinə 1,1 mlrd. manat, verilmiş kredit portfeli üzrə 1,5 mlrd. manat, beynəlxalq miqyasda tədbirlərin dəstəklənməsinə 39,3 mln. manat vəsait xərcləndi.
* Prezident İlham Əliyevin göstərişi ilə minlərlə Azərbaycan vətəndaşı, xüsusən də xaricdə təhsil alan tələbələrimiz müxtəlif ölkələrdən dövlət hesabına təşkil olunmuş çarter reysləri vasitəsilə Vətənə qaytarıldı;
* Cənab İlham Əliyevin dünya miqyasında rəğbətlə qarşılanan mühüm təşəbbüsləri də oldu. Belə ki, 2020-ci ilin aprel ayında koronavirusa qarşı mübarizə ilə bağlı Türk Şurasının Zirvə görüşü, may ayında isə Qoşulmama Hərəkatının Təmas Qrupu formatında videokonfrans vasitəsilə Zirvə görüşü keçirildi;
* 2021-ci il dekabrın 16-da BMT Baş Assambleyasının 76-cı sessiyası çərçivəsində assambleyanın plenar iclasında Qoşulmama Hərəkatının Sədri qismində Azərbaycan Prezidentinin təşəbbüsü ilə QH üzvləri adından irəli sürülmüş "COVID-19 əleyhinə peyvəndlərə bərabər, məqbul qiymətə, vaxtında və universal əlçatanlığın təmin edilməsi" adlı qətnamə BMT-yə üzv dövlətlərin mütləq əksəriyyətinin (179 dövlət) dəstəyi ilə qəbul edildi;
* Peyvəndlərə çıxışla əlaqədar dövlətlər arasında dərinləşən qeyri-bərabərliyin aradan qaldırılması üçün Azərbaycan ÜST-ə 10 milyon ABŞ dolları həcmində könüllü maliyyə töhfəsi etdi ki, onun yarısı Qoşulmama Hərəkatının üzvlərinə birbaşa yardım oldu;
* Azərbaycan Qoşulmama Hərəkatının üzvləri daxil olmaqla, 30-dan artıq ölkəyə humanitar və maliyyə yardımı göstərdi, təmənnasız olaraq dörd ölkəyə 150 min doza peyvənd ianə etdi. Son olaraq 2021-ci il dekabrın 6-da Azərbaycan Burkina-Faso dövlətinə 100 min doza “Sinovac” peyvəndi ianə edib.
Prezident İlham Əliyevin zamanında atdığı addımlar gərəkli və faydalı olmaqla yanaşı, Azərbaycanın və onun rəhbərinin beynəlxalq nüfuzunun və imicinin yüksəlməsinə də töhfə vermiş oldu.
***
İlham Əliyevin böyüklüyü həm də ondadır ki, ən çətin, ən ağır, ən mürəkkəb vəziyyətdən belə qələbə ilə çıxmağı bacarır!
2020-ci il dünya üçün mürəkkəb, qorxulu, iqtisadi cəhətdən sarsıdıcı bir il idi!
COVID-19 insanları çöl-bayırdan məhrum etmiş, iqtisadiyyatın normal ritmini pozaraq inkişaf sürətini aşağı salmış, ümidsiz vəziyyət yaratmışdı!
İlham Əliyevin müdrikliyi və uzaqgörənliyi, nəyi, nə vaxt və necə etmək məharəti dünya üçün ən ağır keçən ili Azərbaycan üçün möhtəşəm qələbə, zəfər ilinə çevirdi!
İqtidara gəldiyi ilk gündən işğal altındakı torpaqları azad etməyi qarşıya məqsəd qoyan, hər gün, hər saat bu barədə düşünən, əməli iş görərək zəruri, hesablanmış addımlar atan cənab İlham Əliyev pandemiyanın tüğyan etdiyi 2020-ci ili Azərbaycan tarixinin ən şərəfli ili etdi!
Öz adını da qızıl hərflərlə tariximizin ən böyük sərkərdələri sırasına yazdı!
Müzəffər Ali Baş Komandan İlham Əliyev 44 günlük Vətən müharibəsi dövründə:
* Ermənistan ordusunu məhv etdi!
* Azğın düşməni qarşısında diz çökdürdü!
* “Dəmir yumruğ”u ilə başını əzərək kapitulyasiya aktına imza atdırdı!
* Ağdam, Laçın, Kəlbəcər rayonlarını döyüşsüz geri aldı!
* "Məğlubedilməz" erməni ordusunu fərarilər, qorxaqlar yığnağına çevirdi!
* XXI əsrin ən yeni müharibəsini apardı!
* Bu müharibədə tətbiq etdiyi silahlar, taktika və strategiyanı dünya üçün örnəyə çevirdi!
* Azərbaycan xalqını dünyaya məğrur, qalib, qəhrəman xalq kimi tanıtdı!
Bu müharibədə İlham Əliyevin tərbiyələndirdiyi, idman meydanlarında erməniləri dəfələrlə məğlub edən yeni gənc nəsil əsl rəşadət, qəhrəmanlıq göstərdi!
Bu müharibədə multikultural ənənələrə sadiq Azərbaycanın bütün millətlərinin və etnik qruplarının nümayəndələri hünərlə döyüşərək Vətən sevgisini hərb meydanında da nümayiş etdirdilər!
Yüzlərlə gənc qəhrəmancasına çarpışaraq ərazi bütövlüyünün bərpası, Vətən torpaqlarının urder düşməndən təmizlənməsi uğrunda ağır döyüşlərdə şəhidlik zirvəsinə ucaldılar!
İlham Əliyev Azərbaycan xalqının milli birliyinə nail oldu, ölkə vətəndaşlarını Vətən sevgisi, azğın düşmənə qarşı müharibədə yumruq kimi birləşdirdi, indiyədək görmədiyimiz həmrəylik yaratdı!
***
Son illərdə Azərbaycanın qlobal dünyanın həssas problemlərinin müzakirə olunduğu məkana çevrilməsi, belə görüş və müzakirələrin təşkilində ölkəmizin aparıcı rol alması, dövlət başçısının beynəlxalq səviyyəli nüfuzlu tədbirlərə daim dəvətli olması və çıxış etməsi iftixar doğuran hadisələrdir!
Artıq Azərbaycan Prezidenti cənab İlham Əliyev dünya miqyasında daha aydın görünən, mövqeyinə, fikirlərinə və təkliflərinə hörmətlə yanaşılan dövlət başçıları sırasındadır!
Prezidentimizin Qoşulmama Hərəkatına uğurlu rəhbərliyi, sədrlik dövrünün daha bir il artırılması böyük sevinc və fərəh doğuran haldır.
Azərbaycan-Türkiyə dostluğu və qardaşlığının yeni, indiyədək görünməmiş səviyyəyə yüksəlməsi tarixi əhəmiyyətli hadisələrdəndir.
Bu yaxınlaşma həm də Türkiyə Prezidenti Rəcəb Tayyib Ərdoğan ilə cənab İlham Əliyevin şəxsi dostluğundan və səmimi münasibətlərindən qaynaqlanır.
Hər iki dövlətə böyük fayda gətirir, güclərinə güc qatır.
44 günlük Vətən müharibəsində biz türk qardaşlarımızı daim yanımızda gördük, bütün sahələrdə və məsələlərdə köməklərini aldıq.
Şuşa Bəyannaməsi isə iki qardaş dövləti strateji müttəfiqə çevirərək münasibətləri ən uca zirvəyə yüksəltdi!
İki görkəmli liderin qurduğu möhtəşəm birlik artıq hamı tərəfindən etiraf və qəbul olunur:
Türkiyə deyəndə Azərbaycan, Azərbaycan deyəndə Türkiyə yada düşür və atılan addımlarda bu vəhdət daim diqqətdə saxlanılır.
Prezident İlham Əliyevin ən böyük uğurlarından biri də Rusiya-Azərbaycan dostluğunu daha yüksək səviyyəyə qaldırmaqla müttəfiqlik qarşılıqlı əlaqələrinin yeni imzalanan Moskva Bəyannaməsi ilə daha da möhkəmləndirməsidir.
Müzəffər Ali Baş Komandan İlham Əliyevin Vətən müharibəsindəki Zəfəri, əslində, 3 qat qələbədir!
Cənab İlham Əliyev təkcə hərb meydanında düşmənin başına od ələyərək onu məhv etmədi!
Həm də diplomatiya sahəsində və informasiya müharibəsində də biabırçı məğlubiyyətə uğratdı!
***
Müharibədən sonrakı dövr isə bu zəfərin müxtəlif sahələrdə və ayrı-ayrı müstəvidə davamıdır:
Yeni yollar çəkilir, dəmir yolu xətti salınır, şəhərlərin baş planı tutularaq təsdiq edilir, bir-birindən maraqlı, baş müəllifi cənab İlham Əliyev olan layihələrin icrasına start verilir, mina sahələri təmizlənərək Böyük qayıdışın tezliklə baş tutmasına şərait yaradılır.
Bir sözlə, Qarabağa azadlıq gətirən Prezident İlham Əliyev onun dirçəldilməsi və cənnətə çevrilməsi üçün mümkün olanların hamısını fədakarlıqla edir.
Regionların sosial-iqtisadi inkişafına dair IV Dövlət Proqramı uğurla icra olunur.
Qeyri-ənənəvi enerji istehsalı sahəsində bir-birindən uğurlu layihələr reallaşdırılır.
Şəhid ailələrinə, müharibə əlillərinə xüsusi diqqət və qayğı göstərilir, onlara dövlət hesabına tikilmiş təmirli mənzillər, minik avtomobilləri verilir, sosial ehtiyacları qarşılanır.
Pandemiyadan uğurla çıxmış, torpaqlarını erməni işğalçılarından azad edərək böyük zəfər qazanmış Azərbaycanı qarşıda daha böyük işlər, yerinə yetiriləsi vəzifələr gözləyir.
Azərbaycan xalqı əmindir ki, bütün hədəflərə ən tez vaxtda və ən qısa yolla çatacaqdır!
Çünki müstəqil dövlətimizin sükanı arxasında əsl rəhbər, qüdrətli sərkərdə, müasir dünya liderləri sırasında özünə layiqli yer qazanmış cənab İlham Əliyev dayanıb!
Onun güclü əlləri, iti zəkası, müstəqil və uzaqgörən siyasəti, xalqına xidmət amalı ilə döyünən vətənpərvər qəlbi vardır.
Belə rəhbərlə yalnız uğur qazanmaq, qalib gəlmək mümkündür!
Sözünün sahibi olan, nəyi, nə vaxt və necə etməyi hamıdan yaxşı bilən, doğma Azərbaycanı daim ucaldan, xalqın hər bir arzu və istəyini reallaşdıran Prezidenti olmaq özü də bir xoşbəxtlikdir!
İlham Əliyev kimi qüdrətli, müdrik, işıqlı qəlb sahibi olan Prezidenti!
Bəxtiyar SADIQOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!