22 Yanvar 2022 20:28
327
CƏMİYYƏT

Erməni terrorundan əziyyət çəkən UTECA tələbəsinin təhsil haqqı universitet hesabına ödəniləcək 

Azərbaycan Texnologiya Universitetinin (UTECA) rektoru, professor Akif Süleymanov valideyn və tələbələri qəbul edib.

AZƏRTAC-ın bölgə müxbiri xəbər verir ki, 10-a yaxın valideyn və tələbənin iştirakı ilə keçirilən qəbulda müraciətlər əsasən akademik borc, işlə təminat kimi məsələlərlə bağlı olub. Dinlənilən məsələlərin bir qisminin həlli üçün müvafiq göstərişlər verilib, bəzi məsələlər isə araşdırılaraq, qanunamüvafiq qaydada həll edilməsi üçün qeydiyyata götürülüb.

Qəbulda iştirak edən valideyn Ramiz Ağayev 2020-ci il oktyabrın 17-də Gəncədə törədilən erməni terrorunda evlərinin tamamilə dağıldığını, bütün ailə üzvlərinin yaralandığını, birinin isə şəhid olduğunu bildirərək, övladı, UTECA-nın dizayn ixtisasının 3-cü kurs tələbəsi Gülçin Ağayevanın təhsil haqqının universitet hesabına ödənilməsini xahiş edib.

Akif Süleymanov ermənilərin Gəncəyə raket hücumu zamanı dağıntılar altından xilas edilən UTECA tələbəsinin təhsil haqqının Azərbaycan Texnologiya Universitetinin daxili imkanları hesabına ödənilməsinə dair göstəriş verib.

Rektor bildirib ki, erməni terrorundan zərər çəkən ailələr dövlət qayğısı ilə əhatə olunublar. Texnologiya Universiteti də öz növbəsində erməni terrorundan əziyyət çəkən tələbəsinə hər zaman dəstək göstərməyə hazır olduğunu vurğulayan rektor, müraciətin təmin ediləcəyini bildirib.

Xatırladaq ki, Gülçin Ağayevanın ötən il də təhsil haqqı Azərbaycan Texnologiya Universitetinin daxili imkanları hesabına ödənilib. Gülçinin babası 78 yaşlı Nurəddin Ağayev Gəncə terrorunda şəhid olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video