Ərəb Parlamenti Azərbaycan Milli Məclisi ilə əməkdaşlığa böyük önəm verir
Parlamentlərarası İttifaqın 143-cü Assambleyasında və Assambleya çərçivəsində Qoşulmama Hərəkatının Parlamentlər Şəbəkəsinin təsis iclasında iştirak etmək üçün İspaniyanın paytaxtı Madrid şəhərində səfərdə olan Milli Məclisin sədri Sahibə Qafarova noyabrın 28-də Ərəb Parlamentinin sədri Adel bin Əbdülrəhman əl-Asumi ilə görüşüb.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, ötən il Vətən müharibəsində əldə etdiyimiz qələbə və Qoşulmama Hərəkatının Parlamentlər Şəbəkəsinin təsis olunması münasibətilə Milli Məclisin sədrini təbrik edən Adel əl-Asumi rəhbərlik etdiyi təşkilatın Parlamentlər Şəbəkəsinə hər cür dəstəyi göstərəcəyini bildirib. Ərəb ölkələrinin Parlamentlər Şəbəkəsində təmsil olunacağını qeyd edən Ərəb Parlamentinin sədri Azərbaycan tərəfindən irəli sürülən bu təşəbbüsün çox vacib olduğunu diqqətə çatdırıb. O, Qoşulmama Hərəkatının Parlamentlər Şəbəkəsinin qlobal parlament institutuna çevriləcəyinə inamını ifadə edib.
Ərəb Parlamentinin Azərbaycan Milli Məclisi ilə əməkdaşlığa böyük önəm verdiyini bildirən sədr bu istiqamətdə atıla biləcək addımlardan danışıb.
Milli Məclisin sədri Sahibə Qafarova Ərəb Parlamentinin sədrini salamlayaraq, təbriklərə görə təşəkkürünü bildirib. Spiker Azərbaycan tərəfindən irəli sürülən bu təşəbbüsün əhəmiyyətini diqqətə çatdıraraq, qeyd edib ki, ölkəmiz dünyada sülh və təhlükəsizliyin təmin olunması, qlobal problemlərə qarşı birgə mübarizə tədbirlərinin həyata keçirilməsi istiqamətində bir çox təşəbbüslər irəli sürüb. Dünyada qlobal iqtisadi problemlərin, pandemiyanın, ksenofobiyanın mövcud olduğu indiki dövrdə beynəlxalq əməkdaşlığa çox böyük ehtiyac var. Ona görə də, Qoşulmama Hərəkatının Parlamentlər Şəbəkəsinin yaradılması çox vacibdir və bu platforma parlamentarilər arasında geniş əməkdaşlıq imkanları yaradacaq.
Görüşdə həmçinin Azərbaycanın 44 günlük Vətən müharibəsində əldə etdiyi qələbə və regionda yeni yaranmış vəziyyət haqqında qarşı tərəfə məlumat verən spiker Sahibə Qafarova bildirib ki, ölkəmiz ötən il beynəlxalq səviyyədə tanınmış ərazilərini Ermənistanın 30 il davam edən işğalından azad edərək, öz ərazi bütövlüyünü bərpa edib. Hazırda Azərbaycan işğaldan azad olunmuş ərazilərimizdə geniş miqyaslı bərpa və quruculuq işləri həyata keçirir. Bu işlər bizim 1 milyon məcburi köçkünümüzün öz yurdlarına qayıtmasını təmin edəcək.
Sahibə Qafarova xatırladıb ki, ötən il noyabrın 10-da Azərbaycan, Ermənistan və Rusiya liderləri tərəfindən imzalanmış Üçtərəfli bəyanat Ermənistan və Azərbaycan arasında münaqişəyə son qoyub. İndi suverenliyin və ərazi bütövlüyünün qarşılıqlı şəkildə tanınması prinsipi üzrə sülh sazişi üzərində işə və sərhədlərin delimitasiyası və demarkasiyası prosesinə başlamaq lazımdır. O, noyabrın 26-da Azərbaycan və Ermənistan liderlərinin görüşünün keçirildiyini və bu görüşün müsbət nəticələr verəcəyinə inamını ifadə edib.
Görüşdə qarşılıqlı maraq doğuran digər məsələlər barədə də fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!