02 Iyul 2022 00:03
901
PARLAMENT
A- A+

Əli Hüseynli: Azərbaycan Liviya ilə münasibətlərin inkişafında maraqlıdır

 

İyulun 1-də Milli Məclis sədrinin birinci müavini, parlamentin Hüquq siyasəti və dövlət quruculuğu komitəsinin sədri Əli Hüseynli Qoşulmama Hərəkatı Parlament Şəbəkəsinin Bakı Konfransında iştirak etmək üçün ölkəmizdə səfərdə olan Liviya parlamenti sədrinin 1-ci müavini Fouzi Salimin rəhbərlik etdiyi nümayəndə heyəti ilə görüşüb.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, qonaqları salamlayan birinci vitse-spiker Azərbaycanın ev sahibliyi ilə keçirilən Qoşulmama Hərəkatı Parlament Şəbəkəsinin Bakı Konfransında Liviya nümayəndə heyətinin iştirakını yüksək dəyərləndirib. O, Azərbaycanla Liviyanın beynəlxalq təşkilatlarda, o cümlədən Qoşulmama Hərəkatında əməkdaşlığına toxunub, Ermənistanın işğalına məruz qalan Azərbaycanın ərazi bütövlüyünü Liviyanın dəstəkləməsinə görə təşəkkürünü ifadə edib. Əli Hüseynli hazırda Azərbaycanın sədrlik etdiyi Qoşulmama Hərəkatının nüfuzunun artdığını vurğulayıb və Azərbaycanın Qoşulmama Hərəkatı Parlament Şəbəkəsinə sədrliyinin də uğurlu olacağına əminliyini bildirib.

Birinci vitse-spiker Azərbaycanın Liviya ilə münasibətlərin, eyni zamanda, parlamentlərarası əlaqələrin inkişafında maraqlı olduğunu bildirib, Milli Məclisdə Liviya ilə bağlı dostluq qrupunun fəaliyyət göstərdiyini diqqətə çatdırıb. O, Liviya parlamentinin nümayəndə heyətinin Azərbaycana səfərinin parlamentlərarası əlaqələrə öz töhfəsini verəcəyinə əminliyini bildirib.

Liviya parlamenti sədrinin 1-ci müavini Qoşulmama Hərəkatı Parlament Şəbəkəsinin Bakı Konfransına dəvətə, yüksək təşkilatçılığa və qonaqpərvərliyə görə təşəkkürünü bildirib, torpaqlarını işğaldan azad etməsi münasibətilə Azərbaycanı bir daha təbrik etdiyini söyləyib. Fouzi Salim Liviyadakı mövcud vəziyyət, yeni konstitusiyanın qəbulu və parlamentarizmin möhkəmləndirilməsi prosesləri barədə məlumat verib.

Söhbət zamanı Qoşulmama Hərəkatı Parlament Şəbəkəsinin təsis olunmasının əhəmiyyətindən danışılıb, ölkələrimiz arasında ikitərəfli səviyyədə, o cümlədən parlament səviyyəsində əlaqələrin inkişafı barədə fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video