06 Avqust 2022 18:15
635
CƏMİYYƏT
A- A+

Əlcəzair portalında Qafqaz Müsəlmanları İdarəsinin bəyanatı yayımlanıb

 

Əlcəzairin “Əl Hərir” portalında Qafqaz Müsəlmanları İdarəsinin (QMİ) Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyinin binasına qarşı törədilən təcavüz aktı ilə bağlı bəyanatı yayımlanıb.

AZƏRTAC-a istinadla yayımlanan bəyanatda bu təcavüz aktının öncədən hazırlanmış, siyasi məqsədli terror, vandalizm aktı olduğu, Azərbaycan Respublikasına, ümumən beynəlxalq hüquqa zidd təxribat xarakteri daşıdığı bildirilir. Ərəbdilli oxucuların diqqətinə çatdırılıb ki, dindən sui-istifadə edən “Mehdinin xidmətçiləri” adlı radikal qruplaşmanın müstəqil Azərbaycanın suverenliyini və atributunu – dövlət bayrağını hədəf alması, aksiyanın dini şüarlar və məzhəbi tələblərlə müşayiət olunması nifrətə çağırış kimi dəyərləndirilə bilər.

Əlcəzair portalında qeyd olunub ki, QMİ dinlər və məzhəblərarası dostluq, qardaşlıq, anlaşma mühitinin hökm sürdüyü nadir ölkələrdən biri olan Azərbaycanda radikal, ekstremist qüvvələrə, onların destruktiv ideologiyalarına yer olmadığını, burada dindarların heç vaxt belə qüvvələrin məkrli təxribatlarının ardınca getməyəcəklərini bəyan edib. Eyni zamanda, bəyanatda düşmən qüvvələrin də Azərbaycanın Zəfərinin əsas mənbəyinin milli, dini birlik olduğunu yaxşı bildikləri, bu səbəbdən məhz bu birliyi hədəf aldıqları vurğulanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video