01 Dekabr 2021 16:09
619
DÜNYA
A- A+

Dünyada koronavirus səbəbindən ölüm hallarının sayı həftə ərzində 10 faiz azalıb

 

Ötən həftə dünyada təqribən 3,8 milyon insan koronavirus infeksiyasına yoluxub, 47 mindən çox insan bu xəstəlik nəticəsində dünyasını dəyişib. Yeni yoluxma hallarının sayı bundan əvvəlki 7 gün ilə müqayisədə eyni səviyyədə qalıb, ölüm faktları isə 10 faiz azalıb.

AZƏRTAC xəbər verir ki, bu barədə Ümumdünya Səhiyyə Təşkilatının (ÜST) epidemioloji bülletenində deyilir.

Həftə ərzində (22-28 noyabr tarixlərində) qeydə alınan yoluxmaların 70 faizi və ölüm hallarının 61 faizi Avropanın payına düşür: xəstəliyin 7 faiz artması müşahidə olunduğu halda, ölüm halları 2 faiz aşağı səviyyəyə düşüb. Yoluxmaların əhəmiyyətli şəkildə artması Afrikada (93 faiz) və Qərbi Sakit okean regionunda (24 faiz) qeydə alınıb. Eyni zamanda, ötən həftə ərzində daha az yoluxma Amerikada (24 faiz) və Cənub-Qərbi Asiyada (11 faiz) müşahidə olunub. Ölüm halları Cənub-Şərqi Asiyada (26 faiz) və Afrikada (7 faiz) artsa da, Amerika (36 faiz) və Şərqi Aralıq dənizi bölgəsində (8 faiz) azalıb.

Bülletendə göstərilən məlumatlara müvafiq olaraq, noyabrın 22-dən 28-dək dünyada 3.799.878 yoluxma halı və 47.524 ölüm halı aşkarlanıb. Həftə ərzində yoluxmaların ən böyük sayı barədə ABŞ (464.800) məlumat verib. Sonrakı yerləri Almaniya (406.754), Böyük Britaniya (304.374), Rusiya (239.215) və Fransa (190.402) tutur.

ÜST vurğulayır ki, dünyada liderliyini davam etdirən “delta” ştamı son 60 gün ərzində analizlərin 99,8 faizində aşkarlanıb. “Omikron” ştamına gəlincə, bülletendə bildirilir ki, onun barəsində “məhdud sayda ölkələrdən məlumat daxil olub”. Bu variantın yayılma ocağı hesab edilən Cənubi Afrika Respublikası “bir çox əyalətində yoluxma hallarının sayının kəskin artması vəziyyətini sınaqdan keçirib”.

Noyabrın 30-na olan məlumata görə, dünyada pandemiya başlanandan bəri koronavirusa 261.435.768 yoluxma halı və 5.207.634 ölüm halı qeydə alınıb. Son sutka ərzində yoluxanların sayı 398.754 nəfər artıb, ölənlərin sayı isə 5.901 nəfər təşkil edib. ÜST-ə daxil olan məlumata görə, təsdiqlənmiş yoluxma halları daha çox ABŞ-da müşahidə edilib – 47.945.945. Sonrakı yerləri Hindistan (34.587.822) və Braziliya (22.080.906) tutur. Ən çox ölüm halları ABŞ-ın (773.083) payına düşür. Sonrakı sıraları Braziliya (614.278) və Hindistan (468.980) bölüşürlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video