08 Avqust 2022 23:22
411
CƏMİYYƏT
A- A+

Dövlət reabilitasiya müəssisələrinin Nümunəvi Nizamnaməsi təsdiqlənib

 

Dövlət reabilitasiya müəssisələrinin Nümunəvi Nizamnaməsi təsdiq edilib.

AZƏRTAC xəbər verir ki, Baş nazir Əli Əsədov bununla bağlı qərar imzalayıb.

Nizamnaməyə əsasən, Dövlət reabilitasiya müəssisələrinin fəaliyyət istiqamətləri aşağıdakılardır:

- müvafiq sahənin inkişafında iştirak etmək;

- əlilliyi olan şəxslərin reabilitasiyasını və abilitasiyasını həyata keçirmək, o cümlədən onlara lazımi tibbi, pedaqoji, psixoloji, sosial və digər yardımlar göstərmək;

- əlilliyin erkən diaqnostikası, həmçinin sağlamlığın qorunması, sağlam həyat tərzinin və təhlükəsiz əmək şəraitinin təmin edilməsi, istehsalat zədələrinin, peşə xəstəliklərinin yayılmasının qarşısının alınması məqsədilə (dövlət büdcəsinin vəsaiti hesabına göstərilən sosial xidmətlərin zəmanət verilmiş həcmi istisna olmaqla) müqavilə əsasında ödənişli xidmətlər göstərmək;

Müəssisənin Nizamnaməsində müəyyən edilən digər istiqamətlərdə fəaliyyət göstərmək.

Müəssisənin fəaliyyətinə nəzarəti təsisçi, həmçinin Müəssisənin Nizamnaməsi ilə müəyyən edilmiş qaydada onun tabe olduğu dövlət orqanı (qurumu), habelə Müəssisənin idarəetmə orqanı həyata keçirir. Müəssisə fəaliyyətinə dair illik hesabatı tabe olduğu dövlət orqanına (qurumuna) təqdim edir. Müəssisədə daxili audit bölməsi yaradıldığı halda Müəssisənin tabe olduğu dövlət orqanı (qurumu) həmin bölmənin fəaliyyətinə nəzarət edir və fəaliyyətinə dair hesabatlar alır, habelə onun üzvlərinin vəzifəyə təyin və vəzifədən azad edilməsi barədə qərar qəbul edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video