05 Dekabr 2021 00:41
1558
Oxucu məktubları

Dərdimiz yolsuzluqdur

 

Hörmətli redaksiya!

Mən sizə Neftçala rayonunun "Xol zonası" adlanan 12 kəndinin əhalisi adından müraciət edirəm.

Ölkəmizin hər bölgəsində aparılan abadlıq-quruculuq işlərini görəndə, haqqında eşidəndə ürəyimiz qürur hissi ilə dolur. Sevinirik ki, ölkəmizin aybaay, ilbəil siması dəyişir. İndi kəndlərdə, o cümlədən "Xol zonası"nda yaşamaq əvvəlki kimi çətin deyil. Şükür Allaha, günboyu işığımız, qazımız var. Olmayan bircə yolumuzdur.

Adbaad saymağa ehtiyac bilmədiyim bizim bölgənin kəndlərinin ümumilikdə təxminən 15 minə yaxın əhalisi var. Əkinçiliklə, heyvandarlıqla məşğuluq. Müxtəlif səbəblərdən yolumuz tez-tez rayon mərkəzinə, qonşu Salyan və Biləsuvara düşür. Amma yola çıxmağımıza peşmanıq. Bakı-Astara yolundan təxminən 15-20 kilometr məsafədə yerləşən bizim kəndlərdən magistrala çıxanacan yediyimiz burnumuzdan gəlir. Yolumuzun bircə adı qalıb. Nə qədər yuxarılara yazmaq, müraciət etmək olar?! Xeyri, nəticəsi yoxdur, "Xol zonası" sanki unudulub. Halbuki bizim kəndlərin Neftçalanın kənd təsərrüfatında payı çoxdur. Belə çıxır ki, məhsul istehsalına gələndə yada düşürük, yolun təmirinə gələndə yox?!

İndi ümidimiz rəsmi dövlət qəzetinədir. Güman edirik ki, bu məktubun dərci köməyimizə çatar.

 

Murad AĞAYEV,

Neftçala rayonunun Xolqarabucaq kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video