23 Iyun 2022 15:14
543
DÜNYA
A- A+

Çexiya 2023-cü il martın sonunadək Rusiya və Belarus vətəndaşlarına viza verməyəcək  

 

Çexiya 2023-cü il mart ayının sonuna qədər humanitar vizalar istisna olmaqla, rusiyalılara və beloruslara viza və müvəqqəti yaşayış icazəsi verməyəcək.

AZƏRTAC xəbər verir ki, Çexiya Milli Mətbuat və İnformasiya Agentliyinin məlumatına görə, XİN-in müvafiq qərarı ölkə hökuməti tərəfindən dəstəklənib. Qərar artıq yaşamaq icazəsi olan və onu uzatmaq istəyən Rusiya və Belarus vətəndaşlarına, həmçinin Çexiyada yaşamaq icazəsi olan əcnəbilərin ailə üzvlərinə şamil edilmir.

Məlumatda qeyd olunur ki, bu addım Çexiyanın xarici siyasət maraqlarını və təhlükəsizliyini təmin etmək, həmçinin Rusiyaya və Moskvanın Ukraynaya təcavüzünü dəstəkləyən Belarusa təzyiq göstərmək məqsədi daşıyır.

Xatırladaq ki, Çexiya fevralın 24-də Rusiya vətəndaşlarına viza verilməsini dayandırıb. Praqa eyni zamanda bu ölkənin Karlovı Varı və Brnodakı konsulluqlarının iş icazəsini ləğv etmək, həmçinin Çexiyanın Sankt-Peterburq və Yekaterinburq şəhərlərindəki konsulluq idarələrini müvəqqəti bağlamaq barədə qərar qəbul edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video