13 Iyun 2022 15:37
604
İDMAN
A- A+

Cari mövsümün ən sürətli pit-stopu Azərbaycan Qran-Prisində olub  

 

Formula 1 çempionatı mövsümündə ilk dəfə olaraq yürüş gedişində ən sürətli pit-stopu “Alpine” komandasının mexanikləri yerinə yetiriblər: onlar Fernando Alonsonun bolidinə 18-ci dövrədə 2.74 saniyə ərzində xidmət ediblər. Bu, rekord olmasa da, ötən Qran-Pridə ən yaxşı nəticə hesab olunub.

AZƏRTAC xəbər verir ki, Bakı yürüşündə komandalar ümumilikdə 26 pit-stop həyata keçiriblər. Yuki Sunodanın 38-ci dövrədəki pit-stopu ən uzunmüddətli hesab edilib.

Səkkizinci mərhələdə “Red Bull Racing” “McLaren”i geridə qoyub, “Alpine” komandası dördüncü yerdə qərarlaşıb, “Williams” isə yeddinci yerə enib. “Haas F1” komandasının mexanikləri bu mövsümdə ilk dəfə olaraq, xal qazanıblar.

Qeyd edək ki, Formula 1 çempionatının Azərbaycan Qran-Prisi iyunun 10-12-də Bakıda keçirilib. “Red Bull Racing” komandasının pilotu Maks Ferstappen bu mərhələnin qalibi olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video