02 Iyul 2022 00:05
1106
PARLAMENT
A- A+

Azərbaycan-Çili parlamentlərarası əlaqələri inkişaf edir

 

İyulun 1-də Milli Məclisdə Azərbaycan-Çili parlamentlərarası əlaqələr üzrə işçi qrupunun üzvləri ilə Qoşulmama Hərəkatının Parlament Şəbəkəsinin Bakı konfransında iştirak etmək üçün ölkəmizdə səfərdə olan Çili-Azərbaycan parlamentlərarası dostluq qrupunun rəhbəri Tomas de Rementeria arasında görüş olub.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Azərbaycan-Çili parlamentlərarası əlaqələr üzrə işçi qrupunun rəhbəri Azər Badamov qonaqları salamlayaraq, ölkəmizin 44 günlük Vətən müharibəsi nəticəsində torpaqlarını işğaldan azad etməsi barədə danışıb. Bildirib ki, hazırda 30 ilə yaxın müddətdə Ermənistanın işğalı altında qalmış torpaqlarımızın azad olunmasından sonra həmin ərazilərdə sürətli tikinti-quruculuq və bərpa işləri aparılır. Azərbaycan tezliklə keçmiş məcburi köçkünlərimizin öz doğma yurdlarına qayıtması üçün orada müasir infrastrukturun qurulması ilə məşğuldur.

Çili-Azərbaycan parlamentlərarası dostluq qrupunun rəhbəri Tomas de Rementeria Azərbaycana səfərindən məmnunluğunu ifadə edərək bu səfərin Çili və Azərbaycan arasında əlaqələrin inkişafına öz töhfəsini verəcəyinə inamını ifadə edib.

Söhbət zamanı Qoşulmama Hərəkatına üzv ölkələrin parlamentləri arasında əməkdaşlığının inkişafından da bəhs edilib.

Görüşdə Milli Məclisin deputatları Sevinc Fətəliyeva və Nigar Arpadarai çıxış edərək Çili və Azərbaycan arasındakı dostluq münasibətlərinin perspektivləri barədə fikirlərini bölüşüblər.

Söhbətdə iki ölkə arasında dostluq münasibətlərinin mədəniyyət, iqtisadi, təhsil, siyasət və digər sahələrdə yeni mərhələyə qədəm qoyacağına inam ifadə olunub. Qeyd edilib ki, əməkdaşlığın gücləndirilməsi müxtəlif platformalarda da qarşılıqlı dəstəyə yol açacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video