Ağrıkəsicilər müxtəlif allergik təsir göstərə bilər
Gündəlik həyatda hiss etdiyimiz ən adi ağrılar zamanı ağrıkəsici dərmanlardan istifadə edir, hətta onları özümüzlə çantada daşıyırıq. Lakin araşdırmalar göstərir ki, ən asan, əlçatan və reseptsiz satılan həmin dərmanların insan orqanizminə əks-təsirləri də olur. Həkimlərin dediyinə görə, həmin preparatlar mədənin selikli qişasını zədələyir, mədə xoraları və qanamalara aparıb çıxarır. Belə ki, mədə qastriti, yara və xoraların ən böyük səbəblərindən biri ağrıkəsicilərdir. Həmçinin ağrıkəsicilər böyrəklərə də mənfi təsir göstərir. Ona görə də mütəmadi olaraq ağrıkəsicilərdən istifadə edənlərin həmin orqanları zədələnir.
AZƏRTAC xəbər verir ki, həkim-terapevt Nərgiz Kərimova deyib: “Bəzi ağrıkəsicilər mədə-bağırsaq traktını zədələyir və hətta allergik reaksiyalar da verə bilər. Hər hansı bir ağrıkəsicini tövsiyə olunmadan qəbul edəndə allergik reaksiya yarananda orqanizmə mənfi təsir edir. Hər bir ağrıkəsicinin norma və dozası var. Müəyyən olunmuş dozadan artıq istifadə ediləndə orqanizmə mənfi təsir göstərir. Uşaqların ağrıkəsicilər qəbul etməsi daha mənfi nəticələr verir”.
Bədənin hər hansı bir nahiyəsində ağrı varsa, bəzən bu, bir xəbərdarlıq rolu oynaya bilər. Ağrılar keçmir və təkrarlanırsa, mütəmadi ağrıkəsici içmək yox, müayinədən keçmək lazımdır. Bəzən təkrarlanan şiddətli ağrılar hansısa ciddi xəstəliyin əlaməti ola bilər.
Həkim-kardioloq Emin Allahverdiyev isə deyib: “Elə qrup ağrıkəsici dərmanlar var ki, onları iltihab əleyhinə qeyri-steroid dərmanlar adlandırırıq. Həmin qrupların ürək xəstəliklərinə mənfi təsiri var. Ona görə onları ehtiyatla qəbul etmək lazımdır. Ürək xəstəlikləri və ürək çatışmazlığı, arterial təzyiq xəstəliyi zamanı istifadə edilən dərmanların təsir effektivliyini azaldır”.
Ağrıkəsicilər bəzən müxtəlif allergik təsir də göstərə bilər. Hətta aşağı dozalarda olan ağrıkəsicilər də ürək çatışmazlığı riskini artırır. Ona görə də ağrıkəsicilərdən necə gəldi istifadə etmək ürək xəstəliyi və digər ağır problemlərə səbəb ola bilər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan Rusiyadan ən çox taxta-şalban idxal edən 10 ölkə arasındadır
19 Aprel
Hərbi əməliyyatlara fasilə verməyəcəyik - Lavrovdan AÇIQLAMA
19 Aprel
İsrail-İran münaqişəsinə görə təcili iclas çağırıldı
19 Aprel
Premyer Liqa: XXXI turun təyinatları açıqlanıb
19 Aprel
Maduro: ABŞ-nin sanksiyalarına baxmayaraq neft sənayemiz inkişaf edəcək
19 Aprel
Donald Tramp: Ukraynaya dəstək artırılmalıdır
19 Aprel
Yens Andersson: Məşqçinin bəyəndiyi oyunçuları almaq lazımdır
19 Aprel
Qazaxıstan və Qırğızıstan prezidentləri razılığa gəldilər
19 Aprel
İsrail Suriyanı bombaladı
19 Aprel
Konfrans Liqası: "Fənərbağça" mübarizəni dayandırıb
19 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!