27 Yanvar 2023 11:51
404
CƏMİYYƏT
A- A+

Ağdam şəhərində salınan yaşayış məhəlləsində 6 binanın inşası bu ilin sonunadək başa çatacaq

Ağdam şəhərində çoxmənzilli yaşayış məhəlləsinin inşası davam etdirilir. 24 binadan və 2 oteldən ibarət olacaq kompleksdə hazırda 6 binanın tikintisi həyata keçirilir.

AZƏRTAC-ın bölgə müxbiri yaşayış məhəlləsinin tikintisi aparılan ərazidə olub, görülən işlərlə maraqlanıb.

Tikintidə sahə rəisi Bayram Hümbətov bildirib ki, yaşayış məhəlləsi 7,5 hektar ərazidə inşa edilir. Dörd kvartalda 24 yaşayış binasının və 2 otelin tikintisi nəzərdə tutulur. Hazırda hər biri 6 mərtəbədən ibarət 6 binanın tikintisi aparılır. Artıq iki binada dəmir-beton işləri yekunlaşıb, daxili fasad işləri görülür, lift quraşdırılır. Binaların zirzəmisi avtodayanacaq, birinci mərtəbə qeyri-yaşayış, digər beş mərtəbə isə yaşayış üçün nəzərdə tutulub. Altı binada mənzillərin ümumi sayı 209-dur. Mənzillərin 45-i birotaqlı, 108-i ikiotaqlı, 48-i üçotaqlı, 8-i dördotaqlıdır. 2023-cü ilin sonunadək 6 binanın tikintisinin başa çatdırılması nəzərdə tutulur. Növbəti mərhələdə digər binaların inşasına başlanacaq.

Tikinti sahəsində işçilərin təhlükəsizliyinə xüsusi diqqətlə yanaşılır. SƏTƏM (sağlamlıq, əməyin təhlükəsizliyi və ətraf mühit) üzrə mütəxəssis Sadiq Hacatəliyev bildirib ki, layihədə işləyən hər bir şəxs təhlükəsizliyə dair təlimatlandırılır və fərdi mühafizə vasitələri – dəbilqə, qoruyucu eynək, əlcək və çəkmə ilə təmin olunur. Yüksəklikdə işləyənlər qoruyucu kəmərdən istifadə edirlər.

Ağdam şəhərinin yenidən qurulmasında çalışanların əhval-ruhiyyəsi yüksəkdir. Onlar işğaldan azad edilmiş ərazilərin bərpasında iştirak etdikləri üçün qürur duyduqlarını bildirirlər.

Ağdam rayonundan olan Namiq Məmmədov deyib: “Ağdamdan çıxanda 1 yaşım var idi. Ağdamda böyüməmişəm, amma hər zaman ən böyük arzum ata-baba torpaqlarımıza qayıtmaq olub. Bu gün bu arzum gerçəkləşib. Doğma torpaqlarımızın tikintisində iştirak edirəm. Bunun üçün həm sevinir, həm də qürur hissi keçirirəm”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video