08 Dekabr 2022 19:26
308
İQTİSADİYYAT
A- A+

ADA Universitetində Dünya Bankının hesabatı təqdim olunub

 

Dekabrın 8-də ADA Universitetində Dünya Bankının hesabatı təqdim olunub.

AZƏRTAC xəbər verir ki, tədbirin açılışını edən ADA Universitetinin prorektoru və İnkişaf və Diplomatiya İnstitutunun direktoru Fariz İsmayılzadə bildirib ki, Dünya Bankının Azərbaycandakı fəaliyyətinin əsas istiqamətlərindən biri ümumi iqtisadiyyat, habelə iqtisadiyyatın spesifik sektorları üzrə araşdırmaların və analitik işin aparılmasıdır. Bu növ araşdırma və texniki yardımın məqsədi Azərbaycan Hökuməti ilə birlikdə ölkə qarşısında duran əsas çağırışları və onların ram edilməsi yollarını müəyyənləşdirməkdən ibarətdir.

F.İsmayılzadə qeyd edib ki, bu yaxınlarda Dünya Bankı özünün flaqman araşdırmalarından birini - Azərbaycan: Ölkə üzrə İqtisadi Memorandumu başa çatdırıb və əsas tərəfdaşlarla birlikdə müzakirə edib. Təqdimatın məqsədi ictimaiyyətə, elmi icmaya və kütləvi informasiya vasitələrinə hesabatın əsas nəticələri barədə məlumat verməkdir.

Dünya Bankının Azərbaycan üzrə ölkə meneceri Sara Maykl diqqətə çatdırıb ki, müstəqillikdən sonra Azərbaycan iqtisadiyyatında fəal inkişaf mövcuddur. ÜDM artıb, yoxsulluq səviyyəsi kəskin şəkildə azalıb. Eyni zamanda, ölkə neft və qaz hasilatından əlavə, son illərdə qeyri-neft sektorunun inkişafına da xüsusi diqqət yetirir.

Onun sözlərinə görə, ölkənin 5 əsas məqsədi nəzərə alınmaqla ölkə iqtisadiyyatı daha da fəal inkişaf edəcək.

Cənubi Qafqaz üzrə regional direktoru Sebastian Molineus, Baş qərargahda Makroiqtisadiyyat, ticarət və investisiyalar praktikasının meneceri Antonio Nusifora, Dünya Bankının böyük iqtisadçısı Nadir Ramazanov təqdimatla bağlı fikirlər səsləndiriblər, mövzu ətrafında suallar cavablandırılıb.

Qeyd edək ki, hesabatda “Azərbaycan: Yaşıl artım üzrə faktlar”, “Azərbaycanın gələcəyi: Risklər və Yaşıl Artım imkanları” mövzularına toxunulub, bir sıra sahələrdəki mövcud və gələcək vəziyyət ətrafında rəylər verilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video