28 Iyun 2022 17:14
419
İQTİSADİYYAT
A- A+

Zəngilan Beynəlxalq Hava Limanının terminalında görülən işlər avqustda başa çatacaq

 

Bu yaxınlarda Zəngilan Beynəlxalq Hava Limanının hava hərəkətinin idarə edilməsi qüllləsinin istifadəyə verilməsi üzrə tamamlanma işləri icra olunacaq. Terminalda görüləcək işlərin avqust ayında başa çatması nəzərdə tutulur.

Bunu AZƏRTAC-ın bölgə müxbirinə açıqlamasında “AzVirt” MMC-nin Baş direktorunun müşaviri Ceyhun Səfərov söyləyib.

O qeyd edib ki, Zəngilan Beynəlxalq Hava Limanının uçuş-enmə zolağının uzunluğu 3000 metr, eni isə 60 metrdir. Perron sahəsi isə 60 min kvadratmetr təşkil edəcək.

Qeyd edək ki, Prezident İlham Əliyev ötən il aprelin 26-da Zəngilan Beynəlxalq Hava Limanının təməlini qoyub.

Zəngilan Beynəlxalq Hava Limanı bütün növ təyyarələri, o cümlədən ağır yük təyyarələrini qəbul etmək imkanına malik olacaq.

Şərqi Zəngəzur iqtisadi rayonuna daxil olan Zəngilanın coğrafi mövqeyi, yaradılmaqda olan nəqliyyat infrastrukturu rayonu beynəlxalq nəqliyyat-logistika mərkəzinə çevirəcək. Buradan dəmir və avtomobil yolları keçəcək, Naxçıvana yol açılacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video