26 May 2022 15:06
616
DÜNYA
A- A+

Yens Stoltenberq: NATO Ukraynanı uzun müddət ərzində dəstəkləməyə hazır olmalıdır  

 

NATO-nun Baş katibi Yens Stoltenberq alyansa üzv ölkələri Ukraynanı uzun müddət ərzində dəstəkləməyə hazır olmağa çağırıb.

AZƏRTAC xarici KİV-lərə istinadla xəbər verir ki, Yens Stoltenberq bu barədə İspaniyanın “La Vanguardia” qəzetinə müsahibəsində bildirib.

“NATO-nun birinci vəzifəsi Ukraynaya yardım etməkdir. Müharibələrin nəticələri gözlənilməzdir, onun necə və nə vaxt bitəcəyi heç kimə məlum deyil. Lakin biz uzunmüddətli perspektivdə dəstəyimizi davam etdirməyə hazır olmalıyıq”, - Şimali Atlantika Blokunun baş katibi belə deyib. Onun sözlərinə görə, NATO-nun digər rolu eskalasiyanın qarşısını almaqdır. “Münaqişə NATO ilə Rusiya arasında müharibəyə çevrilərsə, Avropaya daha çox dağıntı və zərər gətirəcək”, - deyə Yens Stoltenberq xəbərdarlıq edib.

O, həmçinin Ukraynada müharibə başlayandan bəri dəniz və hava qüvvələrinin dəstəyi ilə alyansın şərqindəki qoşunların sayının 40 min nəfərə çatdırıldığını vurğulayıb.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video