Yeni islahatlar uğur vəd edir
Elm və təhsil birlikdə inkişaf edəcək
Uzun illərdir Azərbaycan Milli Elmlər Akademiyasının (AMEA) və Təhsil Nazirliyinin birləşdirilməsi, iki oxşar qurumun ayrılıqda fəaliyyətinin doğru olmadığı, bəzən isə bunun əksinə olan mülahizələrə rast gəlinirdi.
Bəzi dünya ölkələrində Elm və Təhsil Nazirliyinin birgə fəaliyyəti təcrübəsindən geniş istifadə olunur. Ümumiyyətlə, təhsil və elmin bir-birindən ayrı olmadığı, onların vəhdətinin qorunması vacib məsələ kimi qiymətləndirilir.
Azərbaycanda da Prezident İlham Əliyevin 28 iyul tarixli "Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında" fərmanı ilə Təhsil Nazirliyi Elm və Təhsil Nazirliyi adlandırıldı və AMEA-nın tabeliyindəki elmi müəssisə və təşkilatlar nazirliyin tabeliyinə verildi.
Eyni zamanda elm sahəsində dövlət siyasətinin və tənzimlənmənin həyata keçirilməsi, elmi müəssisə və təşkilatların fəaliyyətlərinin əlaqələndirilməsi və istiqamətləndirilməsi ilə bağlı səlahiyyətlər nazirliyə həvalə edildi. Nazirliyin yanında Elm və Ali Təhsil üzrə Dövlət Agentliyi, Məktəbəqədər və Ümumi Təhsil üzrə Dövlət Agentliyi yaradıldı. Bu fərmanla ölkəmizdə elm və təhsilin inteqrasiyalı şəkildə inkişafına start verildi və bu istiqamətdə islahatlar davam edəcək.
Fərman məzmunca əhatəli, məqsədlərinə görə isə stratejidir
Milli Məclisin Elm və təhsil komitəsinin sədr müavini Musa Qasımlı Prezident İlham Əliyevin fərmanına uyğun olaraq Elm və Təhsil Nazirliyinin yaradılmasını bu istiqamətdəki islahatların tərkib hissəsi hesab edir və bunun doğru qərar olduğunu vurğulayır.
Deputatın sözlərinə görə, elmimizin idarəedilməsinin təşkilinin səmərəli qurulmasına, qarşısında dayanan vəzifələrin müasir tələblərə uyğun yerinə yetirilməsinə yönələn, ümumi inkişafa fayda verəcək fərman mahiyyətcə inqilabi, məzmunca əhatəli, məqsədlərinə görə isə stratejidir. Azərbaycan elminin simasını dəyişməyi, səviyyəsini yüksəltməyi və dünyada özünəməxsus yer almasını nəzərdə tutan bu islahat böyük tarixi əhəmiyyət daşıyır.
Onun sözlərinə görə, fərmanın uğurla icra edilməsi nəticəsində ölkəmizdə elm və təhsilin inteqrasiyası dərinləşəcək. Elmi tədqiqatların nailiyyətləri universitet auditoriyalarına daha tez daxil olacaq, istehsalata tətbiqi sürətlənəcək. Gənclərin elmə həvəsi artacaq, nəsillər arasında üzvi əlaqə, təbii varislik təmin ediləcək. Dövlətimiz üçün ən vacib olan elmi-tədqiqat işlərinin qısa, orta və uzunmüddətli sistemli planlaşdırılması həyata keçiriləcək, dünya səviyyəsinə çıxa biləcək araşdırmalar aparılacaq.
Musa Qasımlı qeyd edir ki, islahatlar nəticəsində ali təhsilin keyfiyyəti də yaxşılaşacaq: "Dövlətimizin başçısı da ölkəmizin inkişafının qabaqcıl elm, təhsil və yeni texnologiyalarda olduğunu daim vurğulayır. Elmimizin tarixində yeni mərhələ başlayır".
Deputat onu da bildirir ki, görüləcək işlər çox və məsuliyyətlidir.
Elmi potensialın mərkəzi strukturdan idarə edilməsi müsbət tendensiyadır
Təhsil eksperti Kamran Əsədov qəzetimizə açıqlamasında deyib ki, hazırda Təhsil Nazirliyinə tabe olan 4432 orta məktəb, 51 ali təhsil, 56 orta ixtisas təhsili, 60-dan çox peşə təhsili müəssisələri, məktəbdənkənar təhsil müəssisələri var. Qərardan sonra 1693 uşaq bağçası və körpələr evi də Təhsil Nazirliyinə verilib. Bu o deməkdir ki, kifayət qədər insan bu platformanın ətrafında birləşib.
Ekspert bildirir ki, elm və təhsil müəssisələri arasında əlaqələrin qurulması, təhsilin pillələri arasında vahidliyin təmin edilməsi məqsədilə Elm və Təhsil Nazirliyinin yaradılması çox müsbət haldır. Onun sözlərinə görə, Azərbaycanda rəqabətədavamlı və dayanıqlı iqtisadiyyatın formalaşmasında yeni nazirliyin böyük xidməti və rolu olacaq. Ona görə ki, hazırda təhsildən gözləntilər çoxdur.
Ekspert vurğulayır ki, yeni fərmandan sonra elm və təhsil vəhdət halında inkişaf edəcək. Elmi potensialın mərkəzi strukturdan idarə edilməsi müsbət tendensiyadır. Əslində, dünyanın bir çox ölkəsində bu təcrübədən istifadə edilir. Təhsil Nazirliyi ayrıca deyil, Elm və Təhsil Nazirliyi, yaxud Elm, Təhsil və İnnnovasiyalar üzrə Nazirlik kimi fəaliyyət göstərir. İnnovativ yeniliklərin həyata keçirilməsi üçün nazirliyin qarşısında böyük hədəflər olur.
Ekspertlərin fikirləri, eyni zamanda dünya təcrübəsindən də görünür ki, elm və təhsilin vəhdət halında inkişafı daha uğurlu nəticələrə gətirib çıxarır. Bu, təhsil pillələri arasında bağ yaratmaqla, insanları elmə həvəsləndirir. Bununla da savadlı kadrlarla yanaşı, düşünən beyinlər artır. Bu da əksər sahələrə müsbət təsir edir. Müasirləşən, durmadan inkişaf edən dünyamızda elmin rolu əvəzsizdir. Necə deyiblər, elm inkişafın ön cəbhəsidir. Ön cəbhədə olmaq üçün isə hər şey məktəbdən, hətta bağçadan başlayır desək, yanılmarıq.
Əsmər QARDAŞXANOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
Naxçıvandan Qarabağa yollanan şəhid ailələri Füzuli rayonunda olublar
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!