Bakı Şəhəri üzrə Təhsil İdarəsi (BŞTİ) tərəfindən keçirilən “Yaradıcı müəllim: inkişaf edək, etdirək” təqdimat müsabiqəsinin qalibləri bəlli olub.

BŞTİ-dən AZƏRTAC-a bildirilib ki, müsabiqədə Bakı şəhəri ümumi təhsil məktəblərinin fənn müəllimləri və 5-11-ci sinif şagirdləri iştirak ediblər.

Müsabiqənin nəticələrinə əsasən, 114 nömrəli tam orta məktəbin müəllimi Rza Eyvazlı və şagirdi Fidan Daşdəmirova, 118 nömrəli tam orta məktəbin müəllimi Amənə Kərbalayeva və şagirdi Fatimə Məmmədli, 136 nömrəli tam orta məktəbin müəllimi (məktəbin direktoru) Aysel Şərbətova və şagirdi Nərmin Həsənova I, 83 nömrəli məktəb-liseyin müəllimi İdris Abıyev və şagirdi Bahar Abbasova, 156 nömrəli tam orta məktəbin müəllimi Şəlalə Hüseynova və şagirdi Kənan Qasımzadə, 260 nömrəli tam orta məktəbin müəllimi Bəyazid İsazadə və şagirdi Elmir Mustafayev II, 160 nömrəli Klassik Gimnaziyanın müəllimi Hamlet Əliyev və şagirdi Ayla Bədəlli, 313 nömrəli tam orta məktəbin müəllimi Təranə Vəliyeva və şagirdi Aysu Cəfərli, 189-190 nömrəli tam orta məktəbin müəllimi Namiq Cəfərov və şagirdi Kamal Əlizadə III yerə layiq görülüblər.

20 nömrəli məktəb-liseyin müəllimi Çinarə Kazımova və şagirdi Mürşüd Hüseynli, 227 nömrəli tam orta məktəbin müəllimi Rəna Kərbəlayeva və şagirdi Ləman Kərimova, 227 nömrəli tam orta məktəbin müəllimi Lətafət Nəsibova və şagirdi Xəyyam Cəfərov, 262 nömrəli tam orta məktəbin müəllimi Çimnaz İbrahimova və şagirdi Zeynəb Əliyeva, 302 nömrəli tam orta məktəbin müəllimi Gülşən İsmayılova və şagirdi Sərxan Zülfüqarlı, 318 nömrəli tam orta məktəbin müəllimi Vüsalə Abbasova və şagirdi Zeynal Rəsulzadə həvəsləndirici yeri tutublar.

Qaliblərə BŞTİ tərəfindən diplom və hədiyyələr veriləcək. Bakı şəhəri 4, 5, 17, 26, 28, 36, 53, 71, 75, 80, 83, 96, 113, 119, 145, 156, 160, 161, 182, 183, 193, 201, 203, 220, 262, 265, 267, 276, 281, 287, 307, 311, 313, 320, 189-190 nömrəli təhsil müəssisələrinin müəllim və şagirdləri isə fəal iştiraklarına görə təşəkkürnamə ilə təltif olunacaqlar.

Qeyd edək ki, müsabiqənin keçirilməsində əsas məqsəd qabaqcıl təcrübəyə malik yaradıcı, yenilikçi müəllimlərin aşkara çıxarılması, onların təcrübələrinin təbliğ edilməsi və qabaqcıl müəllimlər bazasının yaradılması, eyni zamanda, ümumi təhsilin keyfiyyət göstəricilərinin yaxşılaşdırılması ilə bağlı aktual məsələlərə diqqətin artırılması, təhsil işçilərinin bu barədə rəy və mülahizələrinin öyrənilməsindən ibarətdir.