Səudiyyə Ərəbistanı ilə Türkiyə arasında yeni əməkdaşlıq dövrünün başlanması qərara alınıb
Səudiyyə Ərəbistanı ilə Türkiyə arasında siyasi, iqtisadi və müdafiə sahələri daxil olmaqla yeni əməkdaşlıq dövrünün başlanması qərara alınıb.
AZƏRTAC xəbər verir ki, bu ifadələr Səudiyyə Ərəbistanı Krallığının vəliəhdi, Baş nazirin müavini Məhəmməd bin Salman bin Əbdüləziz Al Səudun Türkiyə Respublikasında rəsmi səfər ilə əlaqədar yayılan açıqlamada əksini tapıb.
Türkiyə Prezidenti Administrasiyasının Kommunikasiya İdarəsinin yaydığı məlumata görə, qeyd olunan səfər çərçivəsində keçirilən görüşlərdə əməkdaşlığa dair səmərəli müzakirələr aparılıb.
Qeyd olunur ki, tərəflər G-20 (Böyük İyirmilik) təşkilatının üzvləri olaraq iki ölkənin böyük iqtisadi potensialını və Səudiyyə Ərəbistanının 2030-cu ilə qədər investisiya, ticarət, turizm, inkişaf, sənaye, mədənçilik, tikinti layihələri, nəqliyyat-infrastruktur (müqavilə işləri də daxil olmaqla), kənd təsərrüfatı, qida təhlükəsizliyi, səhiyyə, kommunikasiya və informasiya texnologiyaları, media və idman sahələrində əməkdaşlığa dair böyük potensial olduğunu vurğulayıblar. Səudiyyə-Türkiyə Koordinasiya Şurasının işini aktivləşdirmək, ortaq sahələrdə əməkdaşlıq və koordinasiya səviyyəsini yüksəltmək, iki ölkənin ekspertləri arasında təcrübə mübadiləsi üzərində işləmək barədə razılaşma əldə edilib.
O cümlədən Türkiyə Səudiyyə Ərəbistanının ətraf mühit və iqlim dəyişikliyi sahəsində "Yaşıl Səudiyyə Ərəbistanı" və "Yaşıl Orta Şərq" təşəbbüslərini alqışlayıb.
Tərəflər qarşılıqlı ticarətin inkişafı və şaxələndirilməsi, iki ölkə arasında ikitərəfli ticarətin asanlaşdırılması və çətinliklərin aradan qaldırılması, investisiya imkanlarının araşdırılması və konkret tərəfdaşlığa çevrilməsi üçün ölkələrin dövlət və özəl sektorlarında kommunikasiyanın artırılması imkanlarını müzakirə ediblər.
Bildirilir ki, neft, neft-kimya, energetika və digər sahələr üzrə də əməkdaşlığı genişləndirmək və inkişaf etdirmək üçün ortaq razılıq əldə edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ali Məclisin yaz sessiyasının növbəti plenar iclası keçirilib
25 Aprel
Türkiyə parlamentinin komitə sədri: 2040-cı il hədəflərimizə doğru inamla irəliləyirik
25 Aprel
İrakli Kobaxidze: Əminəm ki, Gürcüstan tezliklə Avropa ailəsinin tamhüquqlu üzvü olacaq
25 Aprel
Milli Məclis Avropa Parlamentinin qərəzli qətnaməsinə münasibət bildirib
25 Aprel
Zəngilan və Laçında birinci sinfə qəbulla bağlı alternativ qeydiyyat mərkəzləri fəaliyyət göstərəcək...
25 Aprel
Bakıda Türk dövlətləri parlamentlərinin Xarici əlaqələr komitələri sədrlərinin ilk iclası keçirilib ...
25 Aprel
Avropa Parlamenti Gürcüstanla bağlı qətnamə qəbul edib
25 Aprel
Azərbaycan Qlobal Dayanıqlı Turizm Şurasına üzv qəbul edilib
25 Aprel
“Sərhəd” hərbi-idman oyunlarının final mərhələsinin açılış mərasimi keçirilib
25 Aprel
Xocalının Malıbəyli kəndində aşkarlanmış insan qalıqlarının sayı 8-ə çatıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!