13 May 2022 15:38
220
DÜNYA

Volodimir Zelenski: Putinlə görüşməyə və danışmağa hazıram

Ukrayna Prezidenti Volodimir Zelenski şəxsən rusiyalı həmkarı Vladimir Putinlə görüşməyə və danışmağa hazırdır. Bu, Kremlyönlü vasitəçilər olmadan və ultimatumlarla deyil, dialoq şərtləri ilə mümkündür.

AZƏRTAC xəbər verir ki, bu barədə Zelenski İtaliyanın “Rai 1” telekanalına müsahibəsində məlumat verib.

"Rusiya Federasiyası ilə danışıqlara gəlincə, məsələ hər keçən gün daha da mürəkkəbləşir. Mən şəxsən belə hesab edirəm, çünki kiçik şəhərlər hər gün işğaldan azad edilir və biz rus hərbçilərinin tərk etdiyi zorakılıq, işgəncə, edam izlərini görürük və buna görə də danışıqların mümkünlüyü ilə bağlı məqam getdikcə mürəkkəbləşir”, - deyə Zelenski bildirib.

Onun sözlərinə görə, Ukrayna cəmiyyəti 8 il ərzində Rusiya Federasiyası ilə danışmaq istəyib. "İndi cəmiyyət buna müsbət yanaşmır. Mən bir prezident kimi Putinlə danışmağa hazıram, ancaq onunla, onun vasitəçiləri olmadan və ultimatumlarla deyil, dialoq şərtləri əsasında danışmağa hazıram", - deyə Zelenski vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video