04 Iyul 2022 12:47
456
CƏMİYYƏT
A- A+

Uyğunlaşma tədbirlərinin işlənib hazırlanması bütün Xəzəryanı ölkələr və region üçün həyati əhəmiyyətli məsələdir  

İyulun 5-də Ekologiya və Təbii Ehtiyatlar Nazirliyi Xəzərə həsr edilmiş beynəlxalq konfrans keçirəcək. Nazirliyin Hidrometeoroloji xidmətinin rəhbəri Umayra Tağıyeva bu tədbirin media tərəfdaşı olan AZƏRTAC-a müsahibəsində konfransın məqsədləri və vəzifələri barədə söhbət açıb.

U.Tağıyeva deyib: “Xəzər dənizinin region ölkələri üçün əhəmiyyətini lazımınca qiymətləndirmək çətindir. Beş ölkənin sahillərini yuyan Xəzər təsərrüfat baxımından, iqtisadi və strateji baxımdan əhəmiyyət kəsb etməklə bərabər həm də regionda iqlimi müəyyən edən təsirə malikdir. Dəniz səviyyəsinin qalxıb-enməsi həmişə xalq təsərrüfatına böyük ziyan vurub.

1978-1995-ci illər hamımızın yadındadır. O vaxt Xəzərin səviyyəsinin 2,5 metr qalxması nəticəsində bir sıra infrastruktur obyektləri və yaşayış məntəqələri su altında qaldı.

İndi Xəzər dayazlaşır. Son 15 ildə onun səviyyəsi təqribən 1,5 metr aşağı düşüb. 1977-ci ildə qeydə alınmış 100-illik minimuma çatmaq üçün cəmi 80 santimetr qalıb.

Çoxillik araşdırmalar nəticəsində məlum olub ki, Xəzərin səviyyəsinin maksimum dəyişmə amplitudu 3 metrə bərabərdir. Əvvəllər 100 il ərzində Xəzərin dəyişmələri belə adlandırılan “nisbi sabit iqlim” dövrünə düşürdüsə, indi iqlim dəyişmələri bu prosesə təsir göstərir.

Təəssüf ki, son 10 ildə iqlim dəyişmələri prosesi dünya alimlərinin əvvəl proqnozlaşdırdığı ilə müqayisədə daha sürətlə baş verir. Bu isə bütövlükdə ekosistemə təsir göstərir. Bununla əlaqədar, ən real proqnozun – Xəzərin səviyyə dəyişmələri ssenarisinin müəyyən edilməsi, eləcə də uyğunlaşma tədbirlərinin işlənib hazırlanması bütün Xəzəryanı ölkələr və ətraf region üçün həyati əhəmiyyətli məsələdir.

Məhz bu məqsədlə iyulun 5-də Xəzəryanı ölkələrin hidrometeoroloji xidmətlərinin rəhbərləri və alimlər, xarici ekspertlər, beynəlxalq təşkilatların nümayəndələri “İqlim dəyişmələri şəraitində Xəzər dənizinin səviyyə tərəddüdləri, proqnoz və uyğunlaşma tədbirləri” mövzusunda beynəlxalq konfransda fikir mübadiləsi aparacaqlar”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video