Türkiyə Milli Təhlükəsizlik Şurasının növbəti iclası keçirilib
Prezident Rəcəb Tayyib Ərdoğanın sədrliyi ilə Türkiyə Milli Təhlükəsizlik Şurasının növbəti iclası keçirilib.
AZƏRTAC bu barədə Türkiyə Prezident Administrasiyası məlumat yayıb.
Bildirilib ki, iclasda siyasi, hərbi və iqtisadi proseslərin bütün istiqamətləri dəyərləndirilib.
PKK/KCK-PYD/YPG, FETÖ və İŞİD başda olmaqla, milli təhlükəsizliyə, birlik və bərbərliyə qarşı yönələn təhdid və təhlükələrə qarşı ölkə daxilində və xaricdə həyata keçirilən antiterror əməliyyatları barədə məlumat dinlənilib, zərurət yaranacağı təqdirdə bu prosesin daha da irəli aparılacağı, bunun üçün tələb olunan iradə və hazırlıqların tam mövcud olduğu qeyd edilib.
Vurğulanıb ki, Yunanıstan təxribatçı əməlləri ilə heç nəyə nail ola bilməyəcək. Qətiyyətlə bildirilib ki, Türkiyənin milli təhlükəsizliyini hədəf alan hər hansı bir fəaliyyətə icazə verilməyəcək.
İclasda NATO sıralarına daxil olmaq istəyən dövlətlərin alyansın qanunlarına və ruhuna uyğun hərəkət etməli, terrorizmlə mübarizə ilə bağlı anlaşma memorandumundan irəli gələn öhdəlikləri yerinə yetirməli olduqları vurğulanıb. PKK/KCK-PYD/YPG və FETÖ təşkilatlarına qarşı dərhal konkret addımların atılmasının zəruriliyi ifadə edilib.
Eyni zamanda, vurğulanıb ki, Türkiyə tərəfi İslama qarşı təhqiramiz hərəkətləri kəskin şəkildə qınayır. Diqqətə çatdırılıb ki, din, vicdan, düşüncə və azadlıq kimi dəyərləri təməlindən sarsıdan, demokratiya və ifadə azadlığı ilə izah edilə bilməyən aksiyaları təşviq və himayə edənlər insan haqlarını heçə alan bu nifrət cinayətinə ortaqdırlar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
DİN: Ötən gün ölkə ərazisində 63 cinayətin üstü açılıb
25 Aprel
Azərbaycan nefti bahalaşıb
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
25 Aprel
Vaşinqtonda “erməni soyqırımı” yalanlarına qarşı dinc aksiya keçirilib
25 Aprel
Türkiyə kosmik düşərgəsində Vətən müharibəsinin şəhid uşaqları üçün kvota ayıracaq ...
25 Aprel
Ağ ev: Rusiya nüvə başlığı daşıya bilən peyk hazırlayır
25 Aprel
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib...
25 Aprel
Türk dövlətlərinin peykləri bütün TDT ölkələrinin xeyrinə istifadə edilə bilər
25 Aprel
Avropa Komissiyası Ukraynaya 1,5 milyard avroluq daha bir tranş ayırıb
25 Aprel
Gözəlliyi rənglərə köçürən rəssam
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!