28 Yanvar 2023 12:10
315
SİYASƏT
A- A+

Türkiyə ictimaiyyətinin Tehrandakı terror aktına etirazı davam edir

 

Azərbaycanın Tehrandakı səfirliyinə qarşı törədilən ağır və qanlı terror aktına qarşı Türkiyə ictimaiyyətinin etirazı davam etməkdədir.

AZƏRTAC xəbər verir ki, rəsmi dairələrlə bərabər ölkədə fəaliyyət göstərən qeyri-hökumət təşkilatları yaydıqları bəyanatlarda insanlıq əleyhinə olan bu qanlı cinayətin baş verməsinə şərait yaradanlar, təşkil edənlər və törədənlər lənətlənir. Ölkənin aparıcı kütləvi informasiya vasitələrində Azərbaycana qarşı törədilən bu terror aktının səbəb və məqsədlərindən bəhs edən çoxsaylı məlumatlar yayılıb.

“Qarabağ Azərbaycandır!” Koordinasiya dərnəyi, Türk Dünyası Araşdırmaları Vəqfi, TÜRKFAM (Strateji Araşdırmalar Mərkəzi), Türkiyə-Azərbaycan Strategiya Mərkəzi, RUBASAM (Strateji Araşdırmalar Mərkəzi), Türk Ocaqları İstanbul Başqanlığı, Türk Ocaqları Ümraniye şöbəsi, Milliyyətçi Həkimlər Dərnəyi, Türkiyədə Pakistanlı Gənclər QHT, “Karabakh is Azerbaijan” Milli Platformasının Ərzurum Nümayəndəliyi, Dünya Avşarlar Dərnəyi, Qarabağ Azərbaycan Yardım və Həmrəylik Kocaeli Dərnəyi, Qırmızı Alma Qadın və Uşaq Assosiasiyası, Akademik Tarix və Düşüncə Jurnalı, Bursa Arena Xəbər Saytı, Türk Birliyinin Xəbər Saytı, Az-Türk Dünyası İnternet Xəbər Saytı, Türk Kapi Təhsil Assosiasiyası və digər QHT və media quruluşlarının birgə yaydıqları bəyanatda deyilir: “Vyana Konvensiyasında göstərilən əlavə təhlükəsizlik tədbirlərinin görülməsini, terror aktını törədənin və onun mənsub olduğu terror təşkilatının üzvlərinin ən qısa zamanda tutularaq qanun çərçivəsində mühakimə olunmasını tələb edirik”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video