30 Sentyabr 2022 12:50
606
DÜNYA
A- A+

The Wall Street Journal: “Şimal axını” boru kəmərlərində iki güclü partlayış olub

 

Danimarkalı məmurların qənaətinə görə, “Şimal axını-1” və “Şimal axını-2” qaz kəmərlərində min kiloqramdan çox trotil ekvivalentində iki partlayış baş verib.

AZƏRTAC xəbər verir ki, “The Wall Street Journal” nəşri bu barədə məlumatlı mənbələrə istinadla məlumat yayıb.

Nəşrin məlumatına əsasən, bu fərziyyə çərşənbə günü NATO ölkələri nümayəndələrinin görüşündə səsləndirilib. Krallıq nümayəndəsinin sözlərinə görə, boru kəmərləri hər birinin gücü təxminən 500 kiloqram ekvivalentində olan iki partlayış nəticəsində zədələnib.

Həmçinin görüşdə qaz boru kəmərlərində baş verən insidentin arxasında Rusiyanın dayandığını iddia olunub. Lakin alyans ölkələrinin əksəriyyəti “əlavə sübutlar” olmayana qədər nəticə çıxarmaq və öz şübhələrini rəsmi bəyanatda əks etdirmək istəməyib. Eyni zamanda, NATO-ya üzv ölkələr insidentə görə narahatlıqlarını ifadə edib və alyansın kritik infrastrukturuna ediləcək istənilən hücuma cavab verəcəklərini bildiriblər.

Xatırladaq ki, sentyabrın 26-da “Nord Stream AG” kompaniyası “Şimal axını-1” və “Şimal axını-2” qaz kəmərlərində “görünməmiş dağıntıların” baş verdiyinə dair məlumat yayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video