Stokholmda 20 Yanvar faciəsinin qurbanlarının xatirəsi anılıb
Stokholmun mərkəzində yerləşən “Zorakılığa qarşı” abidəsinin önündə 20 yanvar faciəsinin qurbanlarının xatirəsinə həsr olunan tədbir baş tutub.
AZƏRTAC-ın xüsusi müxbiri xəbər verir ki, abidənin qarşısına toplanan Azərbaycan Respublikasının İsveç Krallığındakı səfiri Zaur Əhmədov, səfirlik əməkdaşları və bu ölkədəki fəaliyyət göstərən diaspor fəalları 20 Yanvar faciəsinin qurbanlarının, Vətənin azadlığı uğrunda həyatından keçmiş oğul və qızlarımızın xatirəsini bir dəqiqəlik sükutla anıblar.
Tədbirdə çıxış edən səfir Zaur Əhmədov Qanlı Yanvar hadisələrinin nəticələrindən söhbət açaraq baş verənlərin xalqımızın tarixində tək faciə qismində deyil, həm də qəhrəmanlıq salnaməsi kimi qaldığını bildirib. Səfirin sözlərinə görə, həmin gün Azərbaycanın qəhrəmanları əli yalın olmaqlarına baxmayaraq, ağır texnika qarşısında şücaət göstərərək, ölkəmizin ərazi bütövlüyü və azadlığını qorumaq üçün əllərindən gələni ediblər.
Zaur Əhmədov deyib: “Xalqımıza qarşı bu qanlı və qəddar cinayəti Sovet imperiyası törədib və buna baxmayaraq, baş verənlər xalqımızın azadlıq əzmini qıra bilmədi”.
Azərbaycanın İsveçdəki səfiri, həmin dövr Moskvada yaşayan xalqımızın ümummilli lideri Heydər Əliyevin 20 Yanvar qırğınını törədənləri pisləyən kəskin bəyanatla çıxış etməsini də xatırladaraq, bu anın tarixi əhəmiyyətini vurğulayıb. Onun sözlərinə görə məhz ulu öndər Heydər Əliyev xalqımızın başına gətirilən müsibət haqqında məlumatın dünyaya çatdırılmasında və ilkin qiymətin verilməsində böyük rol oynayıb.
Sonda səfir Stokholmdakı “Zorakılığa qarşı” abidəsinin qarşısında yığışmanın rəmzi məna daşımasına da toxunub. “Bu gün burada bir daha bildirmək istəyir ki, ölkəmiz dinc və sabitliyə əsaslanır və bu siyasət gələcəkdə də bizim təməl prinsipimiz olaraq qalacaq”, - deyə Azərbaycanın İsveçdəki səfiri vurğulayıb.
Qeyd edək ki, sonda Azərbaycanın İsveç Krallığındakı səfirliyində tədbir iştirakçılarına 20 Yanvar hadisələrinə həsr olunan videoçarx nümayiş olunub və qonaqlar üçün ehsan süfrəsi açılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Rusiya müdafiə nazirinin müavini saxlanılıb
23 Aprel
Nikol Paşinyan: Ermənistanın beynəlxalq səviyyədə tanınmış sərhədlərindən kənarda heç bir ambisiyası...
23 Aprel
Dövlət Departamenti: ABŞ Rusiyanın enerji sektoruna qarşı sanksiyaları davam etdirəcək
23 Aprel
Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının məlumatı ...
23 Aprel
Rusiya XİN Bakı və İrəvan arasında sülh müqaviləsinin razılaşdırılmasının zəruri olduğunu bildirib...
23 Aprel
Bolat Nurqaliyev: Sülh prosesi başlayandan sonra Azərbaycan dünya səviyyəsində əhəmiyyətli dərəcədə ...
23 Aprel
Rusiya Prezidenti son 12 ildə BAM-ın gücünün üç dəfə artdığını açıqlayıb
23 Aprel
Milli Məclisin növbəti plenar iclasında 18 məsələ müzakirə olunub
23 Aprel
Ombudsman britaniyalı müəllifin təşəbbüsü ilə hazırlanan kitab üçün müsahibə verib
23 Aprel
Xankəndi şəhərində tapdığı silah-sursatları polisə təhvil verməyən şəxs saxlanılıb
23 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!