10 Avqust 2022 16:42
401
Mədəniyyət

Solt-Leyk-Siti şəhərində “Şuşa İli”nə həsr olunmuş Azərbaycan guşəsi təqdim edilib

 

Yuta-Azərbaycan Dostluq Təşkilatı ölkəmizi ABŞ-ın Yuta ştatının Solt-Leyk-Siti şəhərində keçirilən Yay Rəqs Festivalında təmsil edib.

Diasporla İş üzrə Dövlət Komitəsinin mətbuat xidmətindən AZƏRTAC-a bildirilib ki, festival çərçivəsində Komitənin dəstəyi və Yuta-Azərbaycan Dostluq Təşkilatının rəhbəri Əsmər Qarayevanın təşkilatçılığı ilə “Şuşa İli”nə həsr olunan Azərbaycan guşəsi yaradılıb. Guşədə ölkəmizin qədim tarixini, zəngin mədəniyyətini, milli rəqslərini, adət-ənənələrini və mətbəxini əks etdirən kitablar, fotomateriallar, milli geyimlər, suvenirlər və digər nümunələr nümayiş etdirilib.

Soydaşlarımız “Əziz Şuşa, biz qayıtdıq!” şüarı yazılan plakatlarla Azərbaycanın əzəli torpağı olan Qarabağın işğaldan azad olunmasına, erməni vandalizmi nəticəsində qədim şəhərimizdə dağıdılmış tarixi, dini və mədəni abidələrə diqqəti cəlb ediblər.

Festival iştirakçıları və qonaqlar Azərbaycan guşəsinə böyük maraq göstəriblər. Onlar Əsmər Qarayevanın hazırladığı milli təam nümunələrini yüksək qiymətləndiriblər. Ziyarətçilərə mədəniyyət paytaxtımız Şuşa barədə ətraflı məlumatın əks olunduğu broşürlər təqdim edilib.

Qeyd edək ki, festivalda 20-dən artıq ölkənin mədəniyyət və rəqs nümunələri nümayiş etdirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video