Sevincimiz hədsizdir
Ölkəmizin hər yerində olduğu kimi, Gəncədə də aparılan abadlıq və quruculuq işləri şəhərin simasını başdan-başa dəyişmişdir. Salınan park və xiyabanlar, istirahət məkanları gələn qonaqlarla yanaşı, sakinlərin də rahatlığını təmin edir.
Xüsusilə uzun illərdən bəri abadlıq və yenidənqurmaya ehtiyac olan mikrorayonlar indi tamamilə yeni görkəm almışdır. Elə bizim yaşadığımız I mikrorayonda da son vaxtlar xeyli abadlıq işləri görülmüşdür. Qeyd edim ki, minlərlə sakinin yaşadığı I mikrorayona ilk sakinlər 1972-ci ildə köçmüşlər. Əvvəl iki yaşayış binası istifadəyə verilmiş, sonra isə onların sayı 11-ə çatmışdır. Elə o zamandan da bu günlərə kimi nə binaların qarşısı və ətrafı, nə də dam örtükləri təmir edilirdi. Üstəlik, ərazidə yağış suyunun yaratdığı gölməçələr bir yana, asfalt örtüyü olmadığı üçün palçıq əlindən tərpənmək olmurdu. Nəhayət ki, bizim də üzümüz güldü. Mikrorayonda olan 11 binanın hamısının dam örtüyü yeniləndi, yollarımıza asfalt döşəndi, işıqlandırma bərpa edildi, uşaqlarımız üçün oyun meydançası yaradıldı. İntizarımız uzun çəksə də, nəticəsi çox ürəkaçan oldu.
Hörmətli redaksiya! Bütün bu rahatlığı, gözəlliyi biz sakinlərə bəxş edən və əməyi keçən hər kəsə minnətdarlığımızı bildiririk.
Rəfiqə YUSİFZADƏ,
Gəncə şəhəri, I mikrorayon sakini
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Prezident: Ermənistan dırnaqarası “Dağlıq Qarabağ”ın sülh sazişində olmamasına razılaşıb...
23 Aprel
AQC Direktorlar Şurasının yığıncağı keçirilib
23 Aprel
Fransada beş miqrant həlak olub
23 Aprel
Vladimir Putinin andiçmə mərasiminin tarixi məlum olub
23 Aprel
Ukraynanın itkiləri 500 minə çatıb - Şoyqudan AÇIQLAMA
23 Aprel
İran İsrailə görə Avropaya səsləndi
23 Aprel
"Şeytanın kometası" sürətlə planetimizə yaxınlaşır
23 Aprel
Ən böyük qara dəlik aşkar edilib
23 Aprel
“Nothing” yeni smartfonunu təqdim edəcək
23 Aprel
Prezident: Fransa, Hindistan və Yunanıstan Ermənistanı bizə qarşı silahlandırır, biz gözləyə bilməri...
23 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!