28 Noyabr 2022 19:03
192
İQTİSADİYYAT
A- A+

Sahib Məmmədov: Azərbaycanın İƏT-ə üzv ölkələrlə ticarət dövriyyəsi ötən illə müqayisədə 55,4 faiz artıb

 

Azərbaycan ilə İslam Əməkdaşlıq Təşkilatına üzv ölkələr arasında çox sıx iqtisadi əlaqələr mövcuddur. Bu əlaqələr yüksələn xətlə inkişaf edir. Belə ki, 2022-ci ilin yanvar-oktyabr aylarında Azərbaycanın İƏT-ə üzv ölkələrlə ticarət dövriyyəsi 2021-ci ilin müvafiq dövrü ilə müqayisədə 55,4 faiz artaraq 7,7 milyard ABŞ dolları təşkil edib. İƏT-ə üzv ölkələrin Azərbaycanın xarici ticarət dövriyyəsindəki payı isə 16,5 faiz təşkil edir.

AZƏRTAC xəbər verir ki, bu fikirləri iqtisadiyyat nazirinin müavini Sahib Məmmədovun İstanbulda Azərbaycan mediasına açıqlamasında deyib.

Nazir müavininin sözlərinə görə, bu göstəricilər onu deməyə əsas verir ki, Azərbaycan Prezidenti İlham Əliyevin həyata keçirdiyi uğurlu daxili və xarici siyasət nəticəsində bu gün ölkəmiz də əlverişli biznes, eləcə də investisiya mühiti mövcuddur. Eyni zamanda, Azərbaycanın coğrafi baxımdan əlverişli mövqeyi, xüsusilə Şimal-Cənub və Şərq-Qərb beynəlxalq marşrutları üzərində yerləşməsi ölkəmizin məhz İƏT-ə üzv ölkələrin iş adamları üçün cəlbediciliyini artırır. Təbii ki, bu da statistikada öz əksini tapıb.

Ölkəmizin İstanbulda keçirilən İslam Əməkdaşlıq Təşkilatı İqtisadi və Ticari Əməkdaşlıq üzrə Daimi Komitəsinin (COMCEC) 38-ci iclasında uğurla təmsil olunduğunu xatırladan nazir müavini qeyd edib ki, 2011-ci ildən etibarən Azərbaycan nümayəndə heyəti bu toplantılarda hər il iştirak edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video