21 Sentyabr 2022 15:23
586
DÜNYA

Rusiyada hərbi səfərbərlik haqqında Prezident Fərmanının 7-ci bəndi məxfi saxlanılacaq

 

Rusiyada hərbi səfərbərlik haqqında Prezident Fərmanının 7-ci bəndi məxfidir və bu bəndin məzmunu açıqlanmayacaq.

AZƏRTAC xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə məlumat verib.

Qeyd edək ki, Fərmanda 6-cı bənddən sonra dərhal 8-ci bənd əksini tapıb. D.Peskovun sözlərinə görə, 7-ci bənddə səfərbərliyə cəlb olunan şəxslərin sayından söhbət gedir və bu bənd xidməti istifadə üçündür.

O, həmçinin səfərbərliyə cəlb olunması nəzərdə tutulan 300 min nəfərin eyni vaxtda hərbi xidmətə çağırılmayacağını da qeyd edib.

Kremlin sözçüsü ölkədə qismən səfərbərliyin müddəti barədə danışmaqdan yayınaraq, Fərmanda səfərbərlik müddətindən söz getmədiyini bildirib.

D.Peskov hansı şəxslərin səfərbərliyə cəlb olunmayacağı barədə əlavə məlumat veriləcəyini və bu qismin hökumət tərəfindən müəyyən olunacağını diqqətə çatdırıb. O, habelə səfərbərliyə cəlb olunması gözlənilən şəxslər üçün sərhədlərin bağlanacağı barədə suala cavabında “bir qədər gözləməyi” təklif edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video