26 May 2022 15:23
623
Mədəniyyət
A- A+

Riad Qasımov: Qoruq İdarəsi qədim İçərişəhərin qorunması və saxlanması üçün hər zaman lazımi tədbirlər görür  

 

İçərişəhərdə dünya, ölkə və yerli əhəmiyyətli abidələrin qorunub saxlanılması, arxeoloji, mühafizə, bərpa işlərinin aparılması, tarixi-memarlıq abidələrinin elmi, tarixi və mədəni cəhətdən öyrənilməsi, eləcə də ənənəvi küçə şəbəkələrini olduğu kimi saxlamaqla turizm infrastrukturu qurulması sahəsində əsaslı işlərin aparılması İdarənin prioritet fəaliyyət istiqamətlərindən biridir.

AZƏRTAC xəbər verir ki, bu sözləri jurnalistlərə açıqlamasında “İçərişəhər” Dövlət Tarix-Memarlıq Qoruğu İdarəsinin aparat rəhbəri Riad Qasımov deyib.

Bildirib ki, son illərdə Qız qalası, Şirvanşahlar Sarayı Kompleksi, Məhəmməd məscidi, Dördbucaqlı qala, Bəylər məscidi, Qala divarları və s. kimi dünya və ölkə əhəmiyyətli tarixi-memarlıq abidələrində uğurla tamamlanmış çoxsaylı bərpa və konservasiya işləri bunun bariz nümunəsidir.

Qeyd edib ki, memarlıq abidələri üzərində aparılan bərpa işləri Avropanın aparıcı bərpa şirkətləri ilə birlikdə və yerli mütəxəssislərin iştirakı ilə aparılır. Bərpa işləri beynəlxalq standartlara cavab verən ən müasir texnologiyalarla həyata keçirilir.

Onun sözlərinə görə, bərpa və konservasiya işləri zamanı İçərişəhər ərazisində yerləşən abidələrin qədimliyi və ənənəvi memarlıq üslubu qorunub saxlanılır, burada yaşayan əhalinin təhlükəsizliyi təmin edilir. Bunu nəzərə alaraq, Azərbaycan Memarlar İttifaqının, Azərbaycan Milli Elmlər Akademiyasının və digər yerli ixtisaslaşmış təşkilatların mütəxəssis və memarları ilə məsləhətləşmələr aparılır, müvafiq standartlara uyğun xüsusi qurğu və avadanlıqlar tətbiq edilərək həyata keçirilir. Hər bir iş icra edilmədən öncə bu sahədə ətraflı təhlillər aparılır, hazırlıq işləri görülür, daha sonra işin planı təsdiq edilərək ona uyğun həyata keçirilir.

“İçərişəhər” Qoruq İdarəsinin tarixi abidələrimizin qorunub saxlanması məqsədilə apardığı bərpa-restavrasiya işləri 2022-ci ildə də davam etdirilir. İdarə İçərişəhərin bütün Qala divarları boyunca konservasiya prosesi planını nəzərdən keçirir və bu plana uyğun olaraq hazırda bərpa işləri aparılır. Bu planın qarşıdakı illər ərzində tədricən həyata keçirilməsi nəzərdə tutulur. Bərpa və konservasiya işləri zamanı İdarə qabaqcıl dünya təcrübəsinin tətbiqinin önəmini anlayaraq bu sahədə beynəlxalq yenilikləri daim diqqətdə saxlayır. Qoruq İdarəsi milli tariximizin və mədəniyyətimizin nadir incisi olan qədim İçərişəhərin qorunması və saxlanması üçün hər zaman lazımi tədbirlər görür”, - deyə aparat rəhbəri vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video