“Qələbə qonaqlığı verəcəm” deyən komandir
Peşəkar hərbçi Rəşad Xanlar oğlu Sadıqov 1978-ci il oktyabrın 11-də füsunkar təbiətli Laçın şəhərində dünyaya göz açıb. Atası Xanlar müəllim Azərbaycan Politexnik İnstitutunu bitirib. O, Azərbaycan torpaqlarını erməni işğalından qorumaq məqsədi ilə 1988-ci ildə yaradılmış ilk könüllülər dəstəsinin üzvü, Birinci Qarabağ müharibəsinin əvvəldən axıracan fəal iştirakçısı olub.
Rəşadın anası Fəlakət xanım 1977-ci ildə Azərbaycan Kənd Təsərrüfatı Akademiyasını (indi Azərbaycan Dövlət Aqrar Universiteti) bitirib. Fəlakət xanım Şəmkir rayonunun Çaparlı kəndində dünyaya göz açıb.
Ailə qurandan Laçında yaşayıb. 1992-ci il may ayının 18-də Laçın rayonu ermənilər tərəfindən işğal olunanda ailəsi ilə birlikdə doğma Şəmkirə pənah gətirib. Ömür-gün yoldaşı Xanlar müəllim peşə liseyində işə düzəlib. Fəlakət xanım isə 1994-cü ildən 2010-cu ilədək “N” saylı hərbi hissədə xidmətdə olub. Hazırda təqaüdçüdür. Ailənin iki övladı olub: Rəşad və Səbuhi.
44 günlük Vətən müharibəsi zamanı döyüş meydanında öz igidliyi ilə fərqlənən Rəşad Sadıqov 1984-1992-ci illərdə Laçın şəhəri 2 saylı tam orta məktəbində təhsil alıb. Doğulduğu rayon işğal olunduğundan Sadıqovlar ailəsi Şəmkir rayonuna gəlib. Rəşad Ə.Cavad adına Şəmkir şəhər tam orta məktəbində təhsil alıb. Bəlkə də zamanın tələbidir ki, erməni silahlılarının ölkəmizə, dinc əhaliyə qarşı etdikləri hücumların, qətliamların qarşısını almaq məqsədilə Rəşad hərbçi olmaq istəyib. Odur ki, orta məktəbi başa vuran kimi, 1995-ci ildə sənədlərini Bakı Ali Birləşmiş Komandanlıq Məktəbinə verib və imtahanlardan yüksək qiymət alaraq arzusunda olduğu məktəbin kursantı olub. Təhsil illəri bir göz qırpımında gəlib keçir. Leytenant rütbəli zabit 1997-2004-cü illərdə Şahbuz rayonunda yerləşən “N” saylı hərbi hissədə xidmətə başlayıb. 2004-cü ildə Naxçıvan şəhərində Heydər Əliyev adına Hərbi Liseydə çalışıb. Daha sonra isə Naxçıvan şəhər hərbi komissarlığında və hərbi hospitalda xidmət edib.
Azərbaycan Ordusunun polkovnik-leytenantı Rəşad Sadıqov 2020-ci il sentyabrın 27-də Azərbaycanın ərazi bütövlüyünün təmin edilməsi uğrunda başlanan Vətən müharibəsi zamanı Füzulinin, Cəbrayılın, Qubadlının, Zəngilanın və Laçının azadlığı uğrunda gedən döyüşlərdə mərdliklə vuruşub. Hər dəfə rəhbərlik etdiyi əsgərlər hücuma keçərkən onu çətin sınaqlar gözləyib. O, istər ordu quruculuğunda, istərsə də döyüş bölgələrində hücum əməliyyatlarının hazırlanmasında səriştəli hərbçi kimi yaxından iştirak edib.
Rəşadın döyüş yoldaşı Amil deyir ki, ilk hücuma Cəbrayılın mərkəzində başladıq. Taborumuzun rəhbəri Rəşad idi. Müəyyən adsız yüksəkliklərin alınmasında, mövqelərimizin möhkəmlənməsində şəxsən özü iştirak edirdi. Həmin yüksəkliklər alınanda 4 sutka bir-birimizi görə bilmədik. Geridə qalan əsgərlərin yükünü, silahını Rəşad özü daşıyırdı. Deyirdi ki, qoy qələbə çalaq, sizi həyətimizə aparacam. Evimiz dağılsa da, ağaclarımızdan qalanı olar. Orada sizə yaxşı süfrə açacam, Qələbə qonaqlığı verəcəm... Təəssüf ki, Qələbənin bir addımlığında həlak oldu...
Polkovnik-leytenant Rəşad Sadıqov axırıncı dəfə Laçının Güləbird kəndi uğrunda gedən döyüşlərdə iştirak etmiş və onun azad edilməsində böyük rəşadət göstərmişdir. Lakin 2020-ci il oktyabrın 30-da Laçın uğrunda döyüşlərdə qəhrəmancasına həlak olmusdur. Şəmkir rayonunun Çaparlı kəndində torpağa tapşırılmışdır.
Anası Fəlakət xanımın dediklərindən:
“Oğlum Rəşadın əsas arzusu Vətən torpaqlarını bütöv görmək idi. Ata torpağı olan Laçının hər qarışı onun üçün çox əziz idi. Bir dəfə zəng edib dedi ki, ata, Həkəri çayında əlimi yudum, tezliklə görüşərik. Lakin bu arzu ona qismət olmadı, şəhidlik zirvəsinə yüksəldi. Onun ölümü ilə barışa bilmirəm. Ancaq fəxr edirəm ki, belə oğul böyütmüşdüm...”
Oğul yoxluğuna dözə bilməyən Xanlar müəllim Rəşaddan 13 gün sonra dünyasını dəyişmişdir. Şəhid polkovnik-leytenant Rəşad Sadıqovun ailəsi, iki övladı onun ömür yolunu davam etdirirlər. Ömür-gün yoldaşı Günay Hüseynova bildirir ki, ailə dövlət qayğısı ilə əhatə olunub.
Sağlığında döşünü “Hərbi xidmətdə fərqlənməyə görə”, “Qüsursuz xidmətə görə” və digər medallar bəzəyən polkovnik-leytenant Rəşad Sadıqov ölümündən sonra Azərbaycan Prezidenti İlham Əliyevin sərəncamına əsasən “Vətən uğrunda”, “Cəbrayılın azad olunmasına görə”, “Qubadlının azad olunmasına görə” və “Laçının azad olunmasına görə” medalları ilə təltif edilib. Laçının və Şəmkirin fəxri olan şəhid polkovnik-leytenantın xatirəsi daim əziz tutulur.
İlyas QASIMOV,
Rəhman SALMANLI
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
Cəsarəti ilə düşmənə meydan oxuyan qadın
29 Mart
Vətəni qorumaq ən müqəddəs borcumuzdur
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!