Qazaxıstan parlamentinin sədri Azərbaycanın Qələbəsi nəticəsində regionda yaranmış yeni reallıqlar barədə məlumatlandırılıb
İyunun 23-də Milli Məclisin sədri Sahibə Qafarova Qırğızıstan Respublikasına işgüzar səfəri çərçivəsində Qazaxıstan Respublikası Parlamenti Məclisinin sədri Yerlan Koşanovla görüşüb.
Azərbaycan parlamentinin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Çolpon-Ata şəhərində baş tutan görüşdə dost və qardaş ölkələr - Azərbaycanla Qazaxıstan arasında münasibətlərin uğurla inkişaf etdiyini bildirən Milli Məclisin sədri xalqlarımız arasında çoxəsrlik ənənəvi dostluq və qardaşlıq əlaqələrinin mövcud olduğunu deyib. Sədr bunun ölkələrimiz arasında strateji tərəfdaşlıq, müttəfiqlik münasibətlərinin dərinləşməsinə möhkəm əsaslar yaratdığını qeyd edib. Cari ildə ölkələrimiz arasında diplomatik münasibətlərin qurulmasının 30-cu ildönümünün tamam olduğunu diqqətə çatdıran Sahibə Qafarova ötən müddət ərzində bir çox sahələr üzrə dərin əməkdaşlıq əlaqələrinin qurulduğunu bildirib. Qeyd olunub ki, münasibətlərimizin inkişafında ölkə başçılarının rolu əhəmiyyətli rol oynayıb.
İkitərəfli əlaqələrin inkişafında qanunverici orqanların rolundan bəhs edən Milli Məclisin sədri parlamentlərin ölkələrimiz arasında münasibətlərdə körpü rolunu oynadığını qeyd edib, bu sahədə münasibətlərin yüksək səviyyədə olduğunu vurğulayıb. Hər iki ölkənin parlamentlərində dostluq qruplarının olduğunu bildirən Sahibə Qafarova deputatlarımızın müxtəlif beynəlxalq təşkilatlarda da uğurla fəaliyyət göstərdiklərindən bəhs edib. Sədr, həmçinin Azərbaycan ilə Qazaxıstan arasında qarşılıqlı faydalı əməkdaşlığın daha da dərinləşdirilməsi və möhkəmləndirilməsi üçün böyük imkanlar yaradan TÜRKPA çərçivəsində qarşılıqlı fəaliyyəti xüsusilə vurğulayıb.
Azərbaycanın 44 günlük Vətən müharibəsində qazandığı Qələbə və regionda yaranmış yeni reallıq barədə də məlumat verən Sahibə Qafarova işğaldan azad edilən ərazilərdə nəhəng bərpa və quruculuq işlərinin aparıldığını diqqətə çatdırıb. Bildirilib ki, Azərbaycan regionda daimi sülh və sabitliyin təmin olunmasını istəyir.
Milli Məclisin sədrini səmimiyyətlə salamlayan Qazaxıstan Respublikası Parlamenti Məclisinin sədri Yerlan Koşanov ölkəmizin Qazaxıstan üçün çox mühüm və etibarlı tərəfdaş olduğunu bildirib. O, Azərbaycanla münasibətlərin inkişafına böyük əhəmiyyət verdiklərini qeyd edərək, münasibətlərimizin inkişafından razılığını ifadə edib. Münasibətlərimizin hazırkı yüksək səviyyədə olmasında xalqlarımız arasında mövcud dostluq və qardaşlıq əlaqələrinin mühüm rolunu qeyd edən Yerlan Koşanov müstəqillik illərində əməkdaşlığımızın daha da dərinləşdiyini bildirib.
Qazaxıstan Parlamenti Məclisinin sədri iki ölkə arasında münasibətlərin inkişafına qanunverici orqanların özünəməxsus töhfələr verdiyini söyləyib. Onun sözlərinə görə, bu sahədə əlaqələrin inkişafı qarşılıqlı maraq doğuran məsələlərin müzakirəsi baxımından əhəmiyyətlidir. O, xüsusilə, TÜRKPA çərçivəsində əməkdaşlığın önəmini vurğulayıb.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Daxili işlər naziri Şamaxıda vətəndaş qəbulu keçirib
28 Mart
Fövqəladə Hallar Nazirliyi və “Azərbaycan Dəmir Yolları” QSC birgə təlim keçirib
28 Mart
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!