23 May 2022 16:14
237
DÜNYA

Prezident Ərdoğan: Türkiyə olaraq biz milli təhlükəsizliyimizlə bağlı konkret addımların atılmasını istəyirik

Türkiyənin NATO-da oynadığı həyati vacib rol aydın şəkildə ortada olsa da, biz hələ də müttəfiqlərimizlə sanksiyaların ləğvindən danışırıq. İsveçin bizə qarşı tətbiq etdiyi sanksiyaları bir kənara qoya bilmərik. Türkiyə olaraq biz haqlı gözləntilərimizin qarşılanmasını, milli təhlükəsizliyimizlə bağlı konkret addımların atılmasını istəyirik.

AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan Kocaelinin Gölcük Gəmiqayırma Zavodunda Hızırreis Sualtı Depolama və Selmanreis Sualtı Qaynağının ilk qaynaq mərasimində çıxışı zamanı ifadə edib.

Ölkənin Milli Sualtı qayığı “MILDEN” üçün hazırlıqların tam sürətlə davam etdiyini deyən ölkə başçısı 2025-ci ildə Gölcük Gəmiqayırma Zavodunda bu dəniz vasitəsinin tikintisinə başlanacağını bildirib.

Bu ildən etibarən ölkəsində hər il sualtı qayıqlardan birinin istifadəyə veriləcəyini açıqlayan Türkiyə Prezidenti deyib: “2027-ci ilə qədər donanmamıza altı sualtı qayıq əlavə edəcəyik. Biz bu nailiyyətlərə əhəmiyyət veririk, lakin onları yetərli hesab etmirik. Dənizlərdə gücümüzü gücləndirəcək sualtı qayıqlarımızın istehsalında əməyi olan hər kəsə təşəkkür edirəm. Müdafiə məhsullarından tutmuş dizaynlara qədər lokallaşdırma nisbətlərimizi ən yüksək səviyyəyə çatdırmağı hədəfləyirik”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video