28 May 2022 00:18
780
DÜNYA
A- A+

Prezident Ərdoğan: Hər kəs bilməlidir ki, Türkiyə demokratik, hüquqi dövlətdir

Adnan Menderes və dostlarını darağacına göndərənlərin alınlarına vurduqları qara ləkə 62 deyil, 600 il keçsə belə, heç vaxt təmizlənməyəcək.

AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan İstanbulun Demokratiya və Azadlıqlar adasında 62 il əvvəl, mayın 27-də ölkədə baş verən dövlət çevrilişi ilə əlaqədar keçirilən anım mərasimində səsləndirib.

“Yassıada Məhkəməsi Mühakimə olunur” mövzusu ilə keçirilən mərasimdə danışan Prezident Ərdoğan Türkiyədə müxtəlif tarixlərdə baş verən çevrilişlər səbəbi ilə ölkə iqtisadiyyatının inkişafına çox böyük zərbələrin vurulduğunu qeyd edib.

Bildirilib ki, Türkiyə tarixinin ən böyük demokratiya zəfərlərindən birinə iyulun 15-də xalqla bərabər imza atılıb.

Qarşıdan gələn il ölkədə keçiriləcək Prezident seçkilərinə toxunan ölkə başçısı deyib: “Millətin polad iradəsinə heç kim zəncir vura bilməz, bu millətin haqqını, hüququnu heç kim poza bilməz. Bu millətə xidmət edənlərin saçına belə heç kim toxuna bilməz. Əbədi və əzəli qardaşlığımızı heç bir məkrli niyyət poza bilmədi, bilməyəcək. Seçki qutusundan kənarda yol axtaranlar, indidən 2023-cü ildə keçiriləcək seçkilərə kölgə salmaq istəyənlər ağıllarını başlarına toplamalıdırlar. Siyasətin qəzet manşetləri ilə tənzimləndiyi, siyasətin terror və şantajla yönləndirildiyi dövrlər geridə qaldı. Hər kəs bilməlidir ki, Türkiyə demokratik, hüquqi dövlətdir. Bu, suverenliyin qeyd-şərtsiz millətə məxsus olduğu bir dövlətdir”.

Xatırladaq ki, Türkiyənin demokratiya tarixinin qara ləkəsi adlandırılan, 1960-cı il mayın 27-də baş verən dövlət çevrilişi, eyni zamanda Türkiyə Respublikası tarixindəki ilk hərbi çevrilişdir.

Hadisə nəticəsində Türkiyənin ozamankı Baş naziri Adnan Menderes, xarici işlər naziri Fatih Rüştü Zorlu və maliyyə naziri Hasan Palatkan ilə birlikdə 15 nəfər edam edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video