23 May 2022 13:38
613
DÜNYA
A- A+

Polşa Rusiyadan qaz tədarükü üzrə hökumətlərarası sazişdən çıxıb  

 

Polşa hakimiyyəti qaz tədarükü ilə bağlı 1993-cü ildə Rusiya ilə imzalanmış hökumətlərarası sazişdən çıxmaq qərarına gəlib.

AZƏRTAC xəbər verir ki, bu barədə Polşa hökumətinin strateji enerji infrastrukturu üzrə nümayəndəsi Petr Naimski Polşa Radiosunun efirində deyib.

“Mayın 13-də Mateuş Moravetski hökuməti Varşava ilə Moskva arasında bağlanan müqaviləyə xitam verilməsi barədə qərar qəbul edib”, - deyə Petr Naimski bildirib. Onun sözlərinə görə, saziş 1993-cü ildə imzalanmışdı.

Yamal-Avropa qaz kəmərinin Polşa hissəsinin gələcəyi ilə bağlı sualı cavablandıran hökumət nümayəndəsi onun Polşanın PGNiG və Rusiyanın “Qazprom” kompaniyasının birgə müəssisəsi olan EuRoPol GAZ operatoruna məxsus olduğunu qeyd edib. Petr Naimski kəmərdən mavi yanacağın Polşa ərazisi ilə nəqli, həmçinin Almaniyadan qaz tədarükü üçün istifadə oluna biləcəyini deyib.

Rusiya qazının Polşa ərazisindən tranziti üçün sistemin qurulması və respublikaya qaz tədarükü haqqında 1993-cü il avqustun 25-də imzalanmış saziş sonuncu dəfə 2010-cu ildə yenilənib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video