14 May 2022 11:22
302
Səhiyyə

Orqanik sabun və onun üstünlükləri

Satışda sabunların müxtəlif çeşidlərinə rast gəlmək olsa da, onların arasında tərkibində kimyəvi əlavələri olmayanın tapmaq çətindir. Mütəxəssislər ev şəraitində hazırlanan orqanik sabunun sağlamlığa daha müsbət təsir etdiyini bildirirlər.

AZƏRTAC xəbər verir ki, həkim-fitoterapevt Fizuli Hüseynov deyib: “Adi sabunun tərkibində onun köpük verməsi üçün xüsusi lourens sulfat maddəsi olur. Təbii sabun gənəgərçək və kokos yağından düzgün proporsiyada istifadə edilməklə alınır. Orqanik sabun süddən, müxtəlif meyvə, tərəvəz və giləmeyvə şirələrindən hazırlanır. Sabun hazırlamaq yaradıcı prosesdir. Fərqli formada, rəngdə və müxtəlif iyli məhsul hazırlamaq olar və onlar satışda olanlardan çox fərqlənir”.

Orqanik sabunlar təbii meyvələrdən istifadə edilərək hazırlanır və dəriyə daha yaxşı təsir edir: Təbii sabun dərini heç vaxt qurutmur, onun istifadəsindən sonra hətta kremə ehtiyac olmur.

Evdə hazırlanan sabun yumşaq alına bilər, çünki tam bişmədiyi və soyumadığı üçün yumşaq qalır. Belə olan halda sabunu qurumaq üçün bir-iki gün soyuducuya qoymaq lazımdır. Qeyd edək ki, sabun isti və soyuq üsulla hazırlanır: “İsti üsulla qələvi hansısa şirə və ya südlə müəyyən temperaturda qarışdırılandan sonra sobaya qoyulur və orada 70-80 dərəcə temperaturda təxminən 3 saat qalır. 8-10 saat sonra onu götürüb doğramaq olar. Soyuq üsulla hazırlanan zaman qələvi ilə yağlar qarışdırılır, formaya yerləşdiriləndən sonra sobaya qoyulmur, 4 və ya 5 həftə sonra ondan istifadə edilir”, - deyə həkim-fitoterapevt bildirib.

Sabunun müalicəvi effekt verməsi üçün efir yağları, qatılaşdırılmış meyvə şirələri və ot dəmləmələri əlavə edilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video