23 May 2022 19:35
172
SİYASƏT

Nyu-Yorkda Azərbaycan icmasının üzvlərinin iştirakı ilə ənənəvi Türk paradı keçirilib

Nyu-Yorkda türk mədəniyyətinə və ənənələrinə həsr edilmiş illik Türk paradında Türkiyə və türk icmalarının minlərlə üzvü iştirak edib.

AZƏRTAC xəbər verir ki, Türkiyə Prezidenti yanında ictimaiyyətlə əlaqələr idarəsinin dəstəyi və koordinasiyası ilə təşkil edilmiş 39-cu illik paradın iştirakçıları əllərində Amerikanın, Türkiyənin və digər türk dovlətlərinin bayraqlarını tutaraq Medison-avenyuda mahnı oxuyub, rəqs ediblər.

Müxtəlif qeyri-hökumət və diaspor təşkilatlarına məxsus avtomobillər dəstəsi də bu prospektə yönəlib. Tədbirin təşkilatçılarının sözlərinə görə, bu paradda təqribən 5000 nəfər iştirak edib.

Türkiyə Prezidenti yanında ictimaiyyətlə əlaqələr idarəsinin rəhbəri Fəxrəddin Altun parad iştirakçılarına video-müraciətində deyib ki, bu cür tədbirlər türk xalqının birliyinin və həmrəyliyinin rəmzidir.

Paradda Türkiyənin ABŞ-dakı səfiri Həsən Murat Mərcan, Azərbaycanın ABŞ-dakı səfiri Xəzər İbrahim, Türkiyənin BMT-dəki nümayəndəsi Feridun Sinirlioğlu, Türkiyənin Nyu-Yorkdakı baş konsulu Reyhan Özgür iştirak edib. Nyu-York meri Erik Adams Daq Hammarşeld meydanında görüş iştirakçılarına qoşulub. Bir gün əvvəl bu bayramın şərəfinə Uoll-stritdə Türkiyə bayrağı qaldırılıb.

Türk paradı keçirilməsi ənənəsi ASALA erməni terror təşkilatı tərəfindən türk diplomatlarının qətlə yetirilməsinə etiraz əlaməti olaraq yaranıb. Sonradan bu yürüşün əsas məqsədi türk xalqlarının mədəniyyətini təbliğ etməkdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video