MÖHTƏŞƏM OYUN, TARİXİ QƏLƏBƏ
Ağdamın "Qarabağ" komandası Fransa "Nant"ını evinə əliboş göndərdi
UEFA Avropa Liqası
G qrupu, 2-ci tur
"Qarabağ" (Azərbaycan) -
"Nant" (Fransa) - 3:0
Qol: Ovusu Kvabena, 59, Abduallah Zubir, 65, Marko Yankoviç, 72
Baş hakim: Enea Jorgji (Albaniya)
Bakı. Tofiq Bəhramov adına Respublika stadionu
Futbolda taxtika, oyun planı və s. çox vacib məsələlərdəndir. Ancaq əzmkarlıq, ruh yüksəkliyi, qələbə qazanmaq inadkarlığı komandaları qarşılaşmaya daha fərqli motivasiya edir. Məhz dünən "Qarabağ" - "Nant" matçında bunun şahidi olduq. Ağdam klubu matçın 70 dəqiqəsini meydançanın fransızlara aid hissəsində tətbiq etdiyi pressinqlə qonaqların oyun qurmasına imkan vermədi. Qısa ötürmələrlə oyunu meydançanın rəqibə aid olan hissəsində keçirən ağdamlılar itirilən hər topdan sonra demək olar ki, Fransa təmsilçisinə boş zona buraxmadılar.
Doğma divarlar arasında 4-3-3 oyun formatı ilə meydançaya çıxan Ağdam klubu müdafiənin arxasına atılan toplarda və standart vəziyyətlərdə çox diqqətli oldu. İlk 20 dəqiqədə topu rəqibə verən komandamız qapısı qarşısında təhlükəli epizodlar yaşadı. Lakin ilk hissənin 25-ci dəqiqəsindən etibarən ənənəvi oyun planına dönən "Qarabağ" daha çox qısa ötürmələrə üstünlük verərək meydançanın mərkəzində "Nant"lı futbolçuları yormağı bacardı. Bununla da matç tempini tədricən artıraraq oyuna nəzarəti tam ələ aldı. Qurban Qurbanovun komandası həm toplu, həm də topsuz oyunda hazırlıqlı, ötürmələrdə daha sürətli idi.
"Qarabağ"da Qara Qarayev və Marko Yankoviç boş zonaları çox yaxşı bağladılar. Xüsusilə Yankoviç 1-ci və 3-cü zona arasında əlaqəni, balansı yaxşı qorudu. Bəli, Qara Qarayevlə Yankoviç bir-birilərini çox yaxşı idarə etdilər. Meydanda dağıdıcı funksiyanı yerinə yetirən Qara qazandığı topu tez bir zamanda Ozobiç və ya Yankoviçə çatdırdı. Monteneqrolu yarımmüdafiəçinin meydanda olması 3-cü zonada həm Kadi, həm də Zubir üçün əlavə üstünlüklər qazandırdı. Belə ki, top rəqibdə olarkən 1-ci və ya 2-ci zonada bu oyunçuların üzərilərinə çox da yük düşmədi.
Hücum xəttində yer alan Ovusu həm hücumda, həm də geri dönüşlərdə boş zonalara vaxtında düşməklə mühüm işlər gördü. İkili mübarizələrdə rəqibə çətin anlar yaşatdı. Xüsusilə cinah ötürmələrinə üstünlük verən komandamız ikili mübarizələrdə də Fransa klubundan daha güclü idi. Qapıya uzaqdan vurulan zərbələrdən sonra geri qayıdan topların hamısına "Qarabağ" futbolçuları yiyələndilər.
Top rəqibdə olarkən komanda şəklində topun olduğu zonaya çəkilməsi nəticəsində cinahlar boş qaldı. Bundan istifadə etməklə uzun diaqonal ötürmələrlə "Nant"ı azlıqda yaxalamaq olardı. Xüsusilə komandamızın heyətində Marko Yankoviçin diaqonal ötürmələri və bu keçid oyunlarında möhtəşəm performansı sayəsində Zubir və Kadiyə yaxşı fürsətlər yarandı.
Bir sözlə, "Qarabağ" meydançanın bütün zonalarında sona qədər mübarizə apardı. Bunun ardınca gələn qollar sayəsində qazanılan 3:0 hesablı qalibiyyət ölkəmizin bu həssas dönəmində azarkeşlərə təsəlli oldu. Bununla da cari mövsümdə qrup mərhələsində komandamız ilk 3 xalını qazandı.
Qeyd edək ki, G qrupunun digər matçında isə Yunanıstan "Olimpiakos"u evdə "Frayburq"a (Almaniya) 0:3 hesabı ilə uduzub.
Qarşılaşmadan sonra "Qarabağ"ın baş məşqçisi Qurban Qurbanov qələbəni ordumuza və şəhidlərimizə həsr etdiklərini deyib: "Oyun haqqında çox danışmaq olar. Çünki fərqli hissələr oldu. Bizim üçün çox vacib idi ki, ilk hissədə intizamlı oynayaq. Rəqibin yaxşı hücumları var idi. Ehtiyatlı olmalı idik. Çünki rəqibin bacarıqlı oyunçuları var. Onlar ustalıqlarından istifadə edirdilər. Hər bir halda çox maraqlı bir qələbə oldu. Çünki belə böyük komandaya 3:0 hesabı ilə qalib gəlmək azarkeşləri həvəsləndirir. Hamını təbrik edirəm. İkinci hissədə sürəti artırmaq istəyirdik. Ramil oyuna sonradan çıxanda aktiv olur. Buna ehtiyac var idi. 2-ci hissədə sürətin artması vacib idi. Ona görə də ikinci hissədə Ozobiçlə Ramili əvəzlədik. Qələbəni ordumuza və şəhidlərimizə həsr edirik. Günorta saatlarında çox üzüldük. Daha 21 şəhidimizin olduğu barədə xəbər aldıq. Bəlkə də, bu, oyunda da hiss olunurdu. Hamı qalib gəlmək istəyirdi. Hamı qorxurdu ki, birdən səhv edərik. Allah ordumuzu qorusun!"
Təbriklər, "Qarabağ"!
Elçin CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!