Milli Məclisin sədri Sahibə Qafarova Parlamentlərarası İttifaqın 143-cü Assambleyasında çıxış edib
Milli Məclisin sədri Sahibə Qafarovanın başçılığı ilə parlament nümayəndə heyətimiz Parlamentlərarası İttifaqın 143-cü Assambleyasında və Assambleya çərçivəsində Qoşulmama Hərəkatının Parlamentlər Şəbəkəsinin təsis iclasında iştirak etmək üçün İspaniyanın paytaxtı Madrid şəhərində səfərdədir.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a verilən məlumata görə, noyabrın 27-də keçirilən Parlamentlərarası İttifaqın 143-cü Assambleyasında “Demokratiyanın üzləşdiyi müasir çağırışlar: parçalanmanın öhdəsindən gəlmək və icma quruculuğu” mövzusunda müzakirələr aparılıb.
Milli Məclisin sədri Sahibə Qafarova Assambleyada çıxış edib. O, deyib ki, hazırda yaşadığımız dövr öz mürəkkəb çağırışları ilə dünya birliyi üzərinə ağır yük qoyur. Hətta, artıq bir sıra dövlətlər problemlərin öhdəsindən çətinliklə gəlirlər, bəzən isə onları həll edə bilmirlər. COVID-19 pandemiyası və pisləşən iqtisadi vəziyyət durumu bir qədər də mürəkkəbləşdirir. Bu da gələcəkdə cəmiyyətlərin daha da qütbləşməsinə gətirib çıxara və siyasi sistemlərə inamsızlıq yarada bilər.
Sahibə Qafarova çıxışında bildirib ki, ifadə azadlığı və dezinformasiya arasında olan incə xəttin tamamilə silinmək təhlükəsi var. Belə şəraitdə milli parlamentlər öz fəaliyyətlərini hərtərəfli qurmalıdırlar. Onun sözlərinə görə, məsələyə təkcə qanunvericilik prizmasından deyil, daha geniş aspektdə yanaşan parlamentlərin parçalanmanın qarşısını almaq və cəmiyyətlər arasında körpülər yaratmaq şansları var. Parlamentlər seçkili nümayəndələrin, hökumətin və vətəndaş cəmiyyətinin birgə səylərinin mərkəz nöqtəsi kimi öz rollarını gücləndirməlidir. Ən əsası isə bu səylər təkcə parlamenti əhatə etməməli, bütün siyasi sistemə yayılmalı və bütün cəmiyyəti əhatə etməlidir. Dezinformasiya ilə bağlı vəziyyət parlamentlərimiz tərəfindən ifadə azadlığının daha da gücləndirilməsi, dezinformasiyanın və onun təhlükəli fəsadlarının aradan qaldırılması üçün qanunvericilik sahəsində daha qəti addımların atılmasını tələb edir.
Spiker Sahibə Qafarova xatırladıb ki, dünya birliyi pandemiyanın törətdiyi mövcud çətinliklərə hazır deyildi və vəziyyətə dair lazımi addımların atılması üçün bir müddət vaxt keçdi. İndi biz növbəti addımlara hazır olmalıyıq və gələcəkdə mümkün problemlərin daha yaxşı həlli üçün COVID-dən sonrakı bərpa mərhələsinə daha çox diqqət yetirməliyik. Milli Məclisin sədri bildirib ki, Azərbaycan Respublikasının Prezidenti İlham Əliyev BMT çərçivəsində COVID-19-a qarşı yüksək səviyyəli qlobal bərpa paneli yaratmaq təşəbbüsü ilə çıxış edib. Bu panel pandemiyadan sonrakı dövrdə qlobal səviyyədə görüləcək tədbirlərə dair tövsiyələrin hazırlanmasına yönəlməlidir. Hesab edirəm ki, bu təşəbbüsə uyğun olaraq, biz - parlamentarilər yaxın gələcəkdə pandemiya bitdikdən sonrakı mərhələ ilə bağlı müzakirələrə keçməliyik.
Sahibə Qafarova söyləyib ki, sülh və təhlükəsizliyin təşviq olunması demokratiyanın inkişafı, insan hüquqlarının müdafiəsi və davamlı inkişafın təmin edilməsi üçün çox mühüm vasitədir. O, qeyd edib ki, Azərbaycanın beynəlxalq səviyyədə tanınmış ərazilərinin 20 faizinin Ermənistanın 30 il davam edən işğalından azad edilməsi bizə bu ərazilərdə genişmiqyaslı bərpa proqramlarına başlamağa imkan verib. Bu işlər bizim 1 milyon məcburi köçkünümüzün öz yurdlarına qayıtmasını təmin edəcək.
Parlamentin sədri bildirib ki, 2020-ci il noyabrın 10-da Azərbaycan, Ermənistan və Rusiya liderləri tərəfindən imzalanmış üçtərəfli Bəyanat Ermənistan və Azərbaycan arasında münaqişəyə son qoyub. İndi suverenliyin və ərazi bütövlüyünün qarşılıqlı şəkildə tanınması prinsipi üzrə sülh sazişi üzərində işə və sərhədlərin delimitasiyası və demarkasiyası prosesinə başlamaq lazımdır. O qeyd edib ki, Azərbaycan dəfələrlə Ermənistanla münasibətlərin normallaşdırılmasına hazır olduğunu nümayiş etdirib və bir sıra təkliflər irəli sürüb. Ümid edirik ki, Azərbaycan və Ermənistan liderlərinin noyabrın 26-da keçirilmiş son görüşü nəzərəçarpacaq nəticələr verəcək, sülh sazişinin imzalanmasını və regionda kommunikasiyaların bərpasını təmin edəcək.
Milli Məclisin spikeri vurğulayıb ki, Azərbaycan Qoşulmama Hərəkatının sədri kimi, özünün güclü dəstəyi ilə və parlamentlərarası əməkdaşlığa sadiqliyinin bariz nümunəsi olaraq təşkilatın parlament ölçüsünün inkişafı təşəbbüsü ilə çıxış edib. Qoşulmama Hərəkatının Parlamentlər Şəbəkəsinin təsis iclası Assambleya çərçivəsində noyabrın 28-də keçiriləcək.
Parlamentin sədri qeyd edib ki, Qoşulmama Hərəkatının parlamentariləri arasında münasibətlərin genişləndirilməsi və dərinləşdirilməsi sülhün, demokratiyanın və davamlı inkişafın möhkəmlənməsinə dair qlobal səviyyədə daha səmərəli səylərin göstərilməsinə xidmət edəcək və həmçinin Parlamentlərarası İttifaqın təşviq etdiyi prinsiplərə tam uyğundur.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!