23 Iyun 2022 20:11
183
SİYASƏT

Milli Məclisdə Azərbaycanla İran arasında qanunvericilik sahəsində təcrübə və informasiya mübadiləsinin aparılmasından bəhs olunub

İyunun 23-də Milli Məclisin Ailə, qadın və uşaq məsələləri komitəsinin sədri Hicran Hüseynova İran İslam Respublikası İslam Şurası Məclisinin deputatları Sumayyə Rəfii və Zöhrə Sadər Lacevərdi ilə görüşüb.

Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, komitə sədri ölkələrimiz arasında əlaqələrin yüksələn xətlə inkişaf etdiyini və parlamentlər, müvafiq dövlət qurumları arasında yaxşı əməkdaşlıq əlaqələrinin mövcud olduğunu vurğulayıb.

Hicran Hüseynova Azərbaycanın dünyəvi, demokratik dövlət olduğunu, ölkəmizdə qadınların hələ 1918-ci ildə seçmək və seçilmək hüququ qazandıqlarını, qadınların ölkənin ictimai-siyasi həyatında fəal iştirak etdiyini diqqətə çatdırıb. Komitə sədri Milli Məclisin, onun komitələrinin rəhbərliyində qadınların təmsil olunduğunu qeyd edərək, parlamentdə gender bərabərliyi, ailə, uşaq məsələlərinə aid qəbul edilən qanunlardan danışıb.

H.Hüseynova torpaqlarımızın uzun müddət erməni işğalı altında olduğunu, 2020-ci ildə Müzəffər Ali Baş Komandan İlham Əliyevin rəhbərliyi ilə Azərbaycan Ordusunun 44 günlük Vətən müharibəsində torpaqlarımızı işğaldan azad etdiyini, ərazi bütövlüyümüzün bərpa olunduğunu diqqətə çatdırıb. Bildirilib ki, hazırda azad edilmiş torpaqlarda geniş quruculuq işləri həyata keçirilir. Qaçqınların öz doğma yurdlarına tezliklə qayıtması üçün lazımi şərait yaradılır. O, ölkəmizdə şəhid ailələri və qazilərə dövlət tərəfindən göstərilən diqqət və qayğıdan da bəhs edib. Bu istiqamətdə Heydər Əliyev Fondunun həyata keçirdiyi layihələr barədə məlumat verilib.

İran İslam Şurası Məclisinin deputatları Sumayyə Rəfii və Zöhrə Sadər Lacevərdi səmimi görüşə görə təşəkkürlərini bildiriblər. Qonaqlar İran parlamentinin strukturu, qadınların parlamentdə təmsilçiliyi barədə məlumat veriblər. İranlı deputatlar İran İslam Şurası Məclisinin komitələri, o cümlədən Ailə, qadın və uşaq, Mədəniyyət və Ətraf mühit komitələrinin fəaliyyətindən bəhs ediblər. Onlar bu sahələrdə ölkələrində həyata keçirilən layihələr, qəbul edilən qanunlar, cəmiyyətin maarifləndirilməsi istiqamətində görülən işlər barədə danışıblar.

Söhbətdə tərəflər parlamentlərarası əlaqələrin genişləndirilməsi, qanunvericilik sahəsində təcrübə və informasiya mübadiləsinin aparılması və digər məsələlərlə bağlı fikirlərini bölüşüblər.

Görüşdə Milli Məclisin Ailə, qadın və uşaq məsələləri komitəsinin üzvləri Sevil Mikayılova, Ramin Məmmədov, gənclər və idman nazirinin müavini İndira Hacıyeva, İran İslam Respublikasının Azərbaycandakı səfirliyinin müşaviri Sayed Ali Mousavi və digər rəsmi şəxslər iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video