23 May 2022 16:20
187
SİYASƏT

Milli Məclisdə Azərbaycan ilə Kanada arasında ikitərəfli münasibətlərin inkişaf perspektivlərindən danışılıb

Mayın 23-də Milli Məclisin bir qrup deputatı Kanada parlamenti İcmalar Palatasının Kanada-Azərbaycan parlamentlərarası dostluq qrupunun üzvləri ilə görüşüb.

Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Kanada parlamenti İcmalar Palatasının Kanada-Azərbaycan parlamentlərarası dostluq qrupunun rəhbəri Filip Lourensin başçılıq etdiyi nümayəndə heyətini salamlayan Milli Məclisin Azərbaycan-Kanada parlamentlərarası əlaqələr üzrə işçi qrupunun rəhbəri Tural Gəncəliyev ölkələrimiz arasındakı əlaqələrdən danışıb.

T.Gəncəliyev ikitərəfli münasibətlərin daha da inkişaf etdirilməsinin vacibliyini vurğulayaraq, bu istiqamətdə parlamentlərarası əməkdaşlığın əhəmiyyətini vurğulayıb.

Milli Məclisin deputatları Nigar Arpadarai və Sevil Mikayılova ölkələrimiz arasında qarşılıqlı əlaqələrin möhkəmlənməsində parlamentlərarası münasibətlərin rolundan söz açıb, parlamentlərdə dostluq qruplarının qarşılıqlı fəaliyyətinin bu istiqamətdə verə biləcəyi töhfələrdən bəhs ediblər.

Kanada-Azərbaycan parlamentlərarası dostluq qrupunun rəhbəri Filip Lourens ölkəmizə səfərin ikitərəfli münasibətlərin daha da dərinləşməsinə töhfə verəcəyinə inamını bildirib. O, qarşılıqlı səfərlərinin əhəmiyyətindən danışıb, ikitərəfli münasibətlərin inkişaf perspektivləri ilə bağlı fikirlərini söyləyib.

Kanada parlamenti İcmalar Palatasının üzvləri Ceymi Şmale və Erik Melilo Azərbaycanın Avropanın enerji təhlükəsizliyinə verdiyi töhfədən söz açıb, regional proseslərdən və həyata keçirilən layihələrdən bəhs ediblər.

Kanadadakı Azərbaycan diasporunun üzvü Anar Cahangirli bu ölkədəki Azərbaycan icmasının fəaliyyəti, icma üzvlərinin Azərbaycan mədəniyyətinin və dilinin təbliği istiqamətində apardıqları işlər barədə məlumat verib.

Fikir mübadiləsi şəraitində keçən görüşdə Milli Məclisin deputatları qonaqlara Azərbaycanın Vətən müharibəsində Qələbəsi, regionda yaranan yeni reallıqlar barədə məlumat veriblər, erməni əsilli vətəndaşların Azərbaycan cəmiyyətinə inteqrasiyasından bəhs ediblər. Bildirilib ki, Azərbaycan regionda davamlı sülhün və inkişafın bərqərar olması üçün əməli addımlar atır, işğaldan azad edilmiş ərazilərin minalardan təmizlənməsi və bərpası istiqamətində irimiqyaslı layihələr həyata keçirir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video