11 Avqust 2022 12:04
224
Səhiyyə

Koronavirusa qarşı mübarizədə immuniteti gücləndirən qidalara üstünlük vermək vacibdir

Orqanizmin immuniteti aşağı olduğu zaman insan tez-tez xəstələnir. İmmunitet orqanizmin sahib olduğu bioloji müdafiədir. O orqanizmi xəstəliklərdən, mikroblardan və digər arzuolunmaz bioloji hücumlardan qoruyur.

AZƏRTAC tibbi saytlara istinadla bildirir ki, immunitet sistemi insan orqanizmini müxtəlif mənşəli infeksiyalardan qoruyur və bədəndə qoca, zədələnən hüceyrələri yeniləri ilə əvəz edir. Qeyri-düzgün qidalanma, stress, mənfi emosiyalar, hərəkətsizlik, təmiz havada az olmaq, yuxusuzluq və digər problemlər immunitet çatışmazlığına səbəb ola bilər. İnsan xəstələndikdə də immuniteti zəifləyir, məsələn, qrip virusları orqanizmin immun reaksiyasını dayandırır. Havanın müxtəlif kanserogenlərlə zəhərlənməsi immunitet sisteminə mənfi təsir göstərən amillərdəndir.

Dünyadakı bütün xəstəliklərin 80 faizi immun sisteminin zəifləməsi ilə bağlıdır.

Dəniz məhsullarının bütün növləri və badam qəbul etmək immunitet sistemini gücləndirir. Eyni zamanda soğan və sarımsağın tərkibində olan fitonsidlər viruslara qarşı orqanizmi möhkəmləndirir. Limon, portağal və digər sitrus meyvələrinin tərkibindəki askorbin turşusu immunitet sistemi üçün faydalıdır.

Bəzən immuniteti gücləndirmək məqsədilə dərman preparatları qəbul edilir. Orqanizmi dərmanlarla qorumağa çalışanda 20 gün, soyuq havalarda isə 1 ay müddətində vitaminlər qəbul edilə bilər. Lakin immun sistemini gücləndirmək üçün təbii qidaların istehlakı daha məqsədə uyğundur.

Mütəxəssislərə görə, bütün dünyada geniş yayılan koronavirusa qarşı mübarizədə immuniteti gücləndirən qidalara üstünlük vermək vacibdir.

Bəzən insanlar çox qida qəbul etməklə orqanizmin müqavimətini artırmağı düşünürlər. Lakin bu, doğru deyil. İmmuniteti gücləndirmək üçün vitaminlərlə zəngin qidaları balanslı və mütəmadi olaraq istehlak etmək lazımdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video