14 Iyun 2022 14:06
306
İDMAN

İtaliya KİV-i Azərbaycan Qran-Prisində “Ferrari”nin uğursuz çıxışını sərt tənqid ediblər

Formula 1 çempionatının Azərbaycan mərhələsində pouldan start götürən “Ferrari”nin pilotu Şarl Lekler komanda yoldaşı Karlos Sayns kimi mübarizəni dayandırıb.

AZƏRTAC xəbər verir ki, İtaliyanın idman mətbuatı uik-endin yekunlarını emosional şəkildə şərh edib.

“Gazzetta dello Sport”: “Ferrari”nin şansı Leklerin daha bir dayanan mühərrikindən çıxan tüstü ilə birgə uçub gedir. Mühərrik sıradan çıxmayanadək bir qayda olaraq monakolu pilot sürətli idi. Komanda və azarkeşlər üçün bu, ciddi zərbədir. Mövsüm Ferstappen üçün olduqca asan davam edir, “Ferrari” üçün isə getdikcə hər yürüş çətinləşir”.

“Corriere dello Sport”: “Pouldan dağıdıcı məğlubiyyətədək 24 saatdan az vaxt keçib. “Ferrari” oyundan çıxır, Fesrtappen qalib gəlir. Üzlərdə ümidsizlik və kədər”.

“Tuttosport”: “Maranello, problemlərimiz var! Monakoda “Ferrari”ni uğursuz strategiyaya görə tənqid etdilər, lakin əsl zəif yer – güc qurğusunun etibarlılığıdır”.

“La Stampa”: “Ferstappen minimum səylə maksimum nəticəyə nail oldu. Bakıda məğlubiyyət “Ferrari” üçün uzunmüddətli neqativ fəsadlar törədəcək, Lekler isə çempion titulunu itirə bilər”.

“Corriere della Sera”: “Nəzərə çarpan pouldan sonra uğursuzluq Leklerə böyük zərbə vurdu”.

“La Repubblica”: “Ferrari”nin güc qurğusu ötən mövsümlərlə müqayisədə irəliyə böyük addım oldu, lakin bu irəliləyiş baha başa gəldi. “Ferrari” böyük güc üçün həddən artıq riskə getmirmi? Komandanın rəhbəri Mattia Binotto bunu inkar edir, lakin “Ferrari”nin Bakıdakı biabırçılığının izahı olmalıdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video